10.1:80  ute  graece  et  latine,  Virgilii  Aeneisi  Caesaris  [pag.  17]  commentaria,  Isocratis  orationes  paraeneticae,  prout  res  tulerit.  Leges  secundae  classis.  Hic  historia  latine  ex  Livio,  graece  ex  Xenophonte,  Polybio  vel  Herodiano  docetor.  Ex  poetis,  Homerus  alternis  praelegitor.  Dialectices  elementa,  id  est  propositionum  divisiones,  et  argumentationum  figurae  (nec  quidquam  amplius)  exponuntor.  Propositiones  et  argumenta  ex  scriptoribus  qui  explicabuntur,  ac  praesertim  ex  Ciceronis  paradoxis  et  eiusdem  orationibus  brevioribus,  nulla  oratorii  artificii  habita  ratione,  quam  diligentissime  fieri  poterit  docentor.  Diebus  Sabbati  a  tertia  ad  quartam  evangelica  historia  graeca  simplicissime  enarrator.  Leges  primae  classis.  In  hac  demum  classe  ad  Dialectices  rudimenta  adduntur  quae  de  quinque  Vocibus,  Catcgoriis,  Locis,  Elenchis  praecipiuntur,  sed  ex  erudito  aliquo  compendio.  Accedant  Rhetorices  elementa,  ac  ea  quidem  in  primis  quae  ad  eloquutionem  spectant.  Singulorum  praeceptorum  usus  assidue  et  accurate  ostenditor  in  Ciceronis  orationibus  magis  artificiosis,  itemque  Demosthenis  Olynthiacis  et  Philippicis:  Homero  item  et  Virgilio:  ita  ut  diligenter  eruantur  nudae  propositiones,  quarum  deinde  ornamenta  explicentur,  et  cum  ipsis  praeceptionibus  comparentur.  Stylum  diligenter  exercento.  Declamationes  binas  singulis  mensibus,  ita  ut  diximus,  diebus  Mercurii  habento.  Diebus  Sabbati  a  tertia  ad  quartam,  aliquam  ex  apostolicis  Epistolis  audiunto.  [pag.  18]  DE  RECTORE  SCHOLAE.  Rector  totius  scholae,  pietate  et  doctrina  insignis,  ex  ministrorum  et  professorum  collegio  in  timore  ac  tremore  Domini,  communibus  eiusdem