55:8  8  quod  qui  eo  fungitur,  Aaronem  et  reliquos  omnes  ex  genere  levitico,  honore  superet.  Quorum  omnium  adumbratam  fuisse  imaginem  in  persona  Melchisedec  ostendit.  Quo  autem  certius  abrogatas  esse  legis  caeremonias  probet,  in  alium  finem  institutas  una  cum  tabernaculo  fuisse  commemorat:  nempe  ut  coelesti  prototypo  servirent.  Unde  sequitur,  non  esse  in  illis  manendum:  nisi  velimus  contempta  meta  in  medio  viae  desidere.  Ad  hoo  Ieremiae  locum  adducit,  ubi  promittitur  novum  testamentum,  quod  nihil  aliud  est  quam  veteris  correctio.  Unde  sequitur,  infirmum  illud  fuisse  et  caducum.  Postea  de  similitudine  congruentiaque  umbrarum  et  veritatis  in  Christo  exhibitae  disputans,  concludit,  unico  Christi  sacrificio  abrogatos  fuisse  ritus  omnes  a  Mose  institutos:  quia  perpetua  sit  huius  sacrificii  efficacia,  et  in  eo  non  modo  absoluta  sit  novi  testamenti  sanctio,  sed  verum  et  spirituale  complementum  externi  illius  sacerdotii,  quod  sub  lege  viguit.  Doctrinae  rursus  exhortationem  annectit  instar  stimuli  :  ut  impedimentis  omnibus  valere  iussis,  Christum  quadecet  reverentia  excipiant.  Tot  patrum  exempla,  quae  recenset  capite  undecimo,  mihi  videntur  in  hunc  finem  esse  adducta,  ut  agnoscerent  Iudaei,  si  a  Mose  traducti  essent  ad  Christum,  adeo  se  a  sanctis  patribus  non  discedere,  ut  hac  maxime  in  re  illis  coniuncti  forent.  Nam  si  praecipua  in  illis  virtus  fuit  fides,  radixque  omnium  virtutum  :  sequitur,  hanc  esse  praecipue  qua  censeantur  Abrahae  et  prophetarum  filii.  Contra,  degeneres  esse  omnes  qui  patrum  fidem  non  sequuntur.  Hoc  ad  evangelii  commendationem  non  parum  valet,  quod  nobis  in  eo  cum  universa  quae  ab  initio  mundi  fuit  ecclesia  consensus  est  ac  societas.  Duo  quae  supersunt  capita,  varias  formandae  vitae  praeceptiones  continet,  de  spe,  de  tolerantia  crucis,  de  perseverantia,  de  gratitudine  erga  Deum,  de  obedientia,  de  misericordia  et  caritatis  officiis^  de  castitate,  et  similibus.  Demum  epistolam  precatione  claudit:  nisi  quod  spem  illis  facit  adventus  sui.