53:8  8  Dieu,  et  qui  portent  ce  titre  de  pasteur:  l'une  est,  qu'ils  soyent  eleus  par  moyen  tel  que  Dieu  approuve,  et  qu'il  nous  est  monstre  en  sa  parole,  car  ceste  regle-la  est  inviolable.  Et  puis  il  y  a  pour  le  second,  qu'ils  s'acquittent  fidelement  de  leur  devoir:  et  cela  est  quand  ils  se  tiennent  a  la  pure  doctrine  de  l'Evangile,  qu'ils  ne  s'arrestent  point  a  leurs  inventions,  mais  qu'ils  cerchent  seulement  d'exalter  le  nom  de  nostre  Seigneur  Iesus  Christ,  et  qu'il  soit  ce  qu'il  a  este  ordonne  de  Dieu  son  Pere,  c'est  ascavoir  (comme  desia  nous  avons  dit)  docteur  souverain  et  unique.  Voila  ies  deux  choses  qui  sont  requises  en  tous  pasteurs  qui  veulent  estre  recognus  et  advouez  pour  ministres  de  la  parole  de  Dieu,  qu'ils  soyent,  di-ie,  appelez  selon  l'ordre  de  l'Eglise,  et  qu'ils  exercent  fidelement  leur  estat,  taschant  de  s'acquitter  en  sorte  que  Iesus  Christ  domine  tousiours  en  cest  honneur  souverain,  qu'on  l'escoute,  et  qu'on  luy  obeisse.  Et  voila  pourquoy  il  est  dit  qu'il  faut  que  l'Eglise  demeure  tousiours  chaste  a  son  espoux.  Quand  Iesus  Christ  appelle  en  son  nom  ceux  desquels  il  se  veut  servir,  il  ne  faut  pas  pour  tant  qu'ils  usurpent  son  lieu  et  sa  dignite:  c'est  comme  si  un  homme  avoit  commis  sa  femme  a  un  sien  ami,  et  que  eeluy-la  fust  le  premier  qui  taschast  de  la  seduire.  Quand  donc  ceux  qui  ont  l'office  d'anoncer  la  parole  de  Dieux,  voudront  mettre  en  avant  leurs  inventions  propres,  ce  sera  faire  rompre  a  l'Eglise  la  foy  qu'elle  doit  a  son  mari*  c'est  a  dire  au  Fils  de  Dieu.  Car  voila  aussi  en  quoy  S.  Paul  monstre  que  la  chastete  de  l'Eglise  consiste,  c'est  quand  elle  ne  se  desbauche  point  de  la  simplicite  de  l'Evangile  (dit-il),  car  si  tost  que  nous  prestons  l'aureille  a  des  doctrines  estranges,  c'est  comme  si  une  femme  avoit  preste  l'aureille  a  un  maquereau  pour  la  seduire.  Ainsi  donc  notons  bien  que  les  hommes  n'ont  pas  ceste  commission  pour  gouverner  l'Eglise  de  Dieu  a  ceste  condition  que  la  dignite  de  Iesus  Christ  soit  amoindrie,  ne  que  cela  luy  emporte  preiudice  aucun,  mais  plustost  c'est  afin  qu'ils  se  rangent  au  docteur  unique  et  des  grans  et  des  petis,  qu'on  se  tiene  a  sa  parole  qu'il  a  apportee  au  nom  de  Dieu  son  pere,  et  cependant  toutesfois  qu'en  toute  humilite  et  reverence  nous  obeissions  a  la  doctrine  qui  nous  est  preschee  par  les  hommes:  que  si  nous  ne  en  tenons  conte,  nous  ne  faisons  point  iniure  aux  creatures  mortelles,  mais  nous  monstrons  une  rebellion  manifeste  contre  Dieu  et  contre  son  Fils  unique.  Maintenant  il  nous  faut  noter  les  titres  que  S.  Paul  attribue  ici  a  Dieu  et  a  nostre  Seigneur  Iesus  Christ,  il  dit,  Dieu  nostre  Sauveur,  et  Iesus  Christ  nostre  esperance.  Il  est  vray  que  mot  de  Sauveur  souventes  fois  en  l'Escriture  saincte  se  donne  au  Fils  de  Dieu:  pource  que  c'est  luy  qui  a  parfait  et  accompli  tout  ce  qui  est  requis  a  nostre