52:8  8  senioribus  qui  constituebantur  ad  mores  regendos��  Sed  quoniam  usitatius  est  in  priore  sensu  apud  Paulum:  potius  intelligo  oeconomos,  qui  distribuendis  eleemosynis  et  recipiendis  praeerant  Reliqua  pete  ex  superioribus  commentariis.  3.  Gratias  ago.  Incipit  a  gratulatione  ob  duas  causas,  ut  hoo  argumento  suam  erga  Philippenses  dilectionem  probet:  deinde  nt  praeterita  laudando,  in  posterum  quoque  ad  pergendum  eosdem  hortetur.  Alterum  etiam  amoris  sui  signum  ponit  sollicitudinem,  quam  exserebat  in  precationibus.  Notandum  autem  quod  quoties  de  rebus  laetis  facit  mentionem,  protinus  in  gratiarum  actionem  erumpit.  Quae  consuetudo  nobis  quoque  familiaris  esse  debebat.  Notandum  simul  quibus  de  rebus  agat  Deo  gratias,  nempe  de  communicatione  Philippensium  in  evangelium  Christi.  Inde  enim  sequitur,  Dei  gratiae  acceptam  ferri  debere.  Quum  dicit  in  omni  memoria  vestri,  hoc  significat,  Quoties  vestri  recordor,  ete.  4.  Semper  in  omni  precatione.  Sic  connecte  verba:  Semper  faciens  pro  vobis  omnibus  precationem  in  omni  mea  precatione.  Nam  quemadmodum  prius  dixerat,  ipsorum  recordationem  sibi  materiam  esse  gaudii:  ita  nuno  subiungit,  sibi  venire  ipsos  in  mentem  quoties  precatur.  Postea  addit,  se  cum  gaudio  pro  illis  precationem  facere.  Gaudium  ad  praeteritum  tempus  refertur,  precatio  ad  futurum.  Qaudebat  enim  felicibus  initiis,  perfectionem  vero  optabat.  Ita  semper  acceptis  Dei  beneficiis  gaudere  nos  decet:  ut  quae  nobis  adhuc  desunt,  ab  ipso  petere  meminerimus.  5.  Super  communicatione.  Nunc  omisso  altero  membro,  quale  sit  suum  gaudium  commemorat:  nempe  quod  in  evangelii  communicationem  pervenerant:  hoc  est,  participes  facti  erant  evangelii:  quod  fide  scilicet  fieri  notum  est.  Nihil  enim  ad  nos  evangelium,  ut  eo  potiamur,  donec  fide  a  nobis  receptum  fuerit.  Quanquam  nomen  communicationis  ad  communem  sanctorum  societatem  referri  potest,  acsi  diceret,  aggregatos  fuisse  omnibus  Dei  filiis  in  evangelii  fidem.  Porro  quum  dicit  a  primo  die,  promptitudinem  eorum  laudat,  quod  statim  se  dociles  praebuerint  simulatque  proposita  illis  fuit  doctrina��  Particula  hucusque  notat  perseverantiam.  Scimus