51:8  8  Au  reste  nous  sommes  quant  et  quant  admonestez  de  tenir  pour  suspects  ceux  qui  cerchent  leur  avantage  et  profit,  tous  ceux  qui  se  desguisent,  nageans  entre  deux  eaux,  qui  pour  complaire  aux  hommes  falsi  fie  D  t  tous  les  coups  la  pure  verite  de  Dieu.  Car  (comme  desia  i'ay  declare)  il  nous  faut  apprester  a  beaucoup  de  combats  voulans  servir  simplement  a  Dieu.  Et  il  nous  doit  souvenir  de  ceste  sentence  ou  sainct  Paul  disoit  que  s'il  vouloit  complaire  aux  hommes,  il  faudroit  qu'il  renoncast  le  service  de  nostre  Seigneur  Iesus  Christ  son  maistre.  Car  (comme  desia  nous  avons  declare)  le  diable  ne  cessera  de  nous  faire  la  guerre  de  tous  costez:  et  puis  les  hommes  naturellement  sont  disposez  a  cela,  chacun  veut  qu'on  le  flatte  et  qu'on  le  supporte,  et  qu'on  cache  tous  ses  vices.  Brief,  il  n'y  a  celuy  qui  ne  demande  d'estre  nourri  et  entretenu  en  sa  nonchalance.  Et  pourtant  si  nous  voulions  estre  amis  des  hommes  pour  nous  conformer  a  toutes  leurs  volontez  et  desirs,  Iesus  Christ  n'auroit  plus  de  maistrise  sur  nous:  et  nonseulement  nous  luy  serions  inutiles,  mais  nous  ne  ferions  que  tout  pervertir.  Or  donc  quand  nous  voyons  auiourd'huy  ceux  qui  font  les  grands  zelateurs  de  la  Chrestiente  cercher  leur  profit,  concluons  hardiment  qu'ils  ne  meritent  pas  d'avoir  nulle  authorite.  Comme  ceux  qui  abayent  auiourd'huy  pour  maintenir  les  abus  du  Pape,  et  ne  cessent  de  calomnier  la  doctrine  de  l'Evangile,  taschans  de  la  mettre  en  opprobre  envers  les  poures  aveugles  et  ignorans,  et  cependant  la  plus-part  que  cerchent-ils?  Les  uns  a  se  maintenir  en  leur  estat  avec  leurs  chapeaux  rouges,  avec  leurs  cornes  et  leurs  crosses:  les  autres  trottent  apres,  et  sont  comme  a  la  chasse,  et  ces  poures  affamez  ne  demandent  qu'a  se  faire  valoir,  a  fin  qu'ils  ayent  leur  salaire.  Apres  ces  menus  caphards,  toute  ceste  vermine  et  ordure  de  prestraille,  ce  qu'ils  font  (quoy  qu'il  en  soit)  ne  tend  a  autre  fin,  sinon  qu'ils  puissent  tousiours  avoir  leur  escuellee  dressee  (comme  on  dit),  tellement  qu'ils  ne  combatent  que  pour  leur  ventre.  Il  y  a  aussi  beaucoup  de  moyenneurs  qui  sont  contens  qu'on  presche  l'Evangile  a  demi-bouche,  mais  d'y  proceder  avec  une  telle  rigueur  et  si  grande  severite,  o  il  n'y  a  nulle  raison,  car  cela  est  insupportable  au  monde.  Et  pourquoy  ne  passera-on  beaucoup  de  ceremonies,  combien  qu'elles  soyent  venues  de  superstitions  et  d'abus?  Tant  y  a  qu'il  ne  faut  point  aller  si  asprement,  cela  est  par  trop  importun.  Tous  ceux  donc  qui  auiourd'huy  ne  peuvent  souffrir  qu'on  retranche  au  vif  toutes  ces  ordures  et  corruptions  de  la  Papaute,  il  est  certain  qu'ils  n'ont  autre  but  sinon  d'eviter  persecution  et  la  decliner.  Et  pleust  a  Dieu  que  les  exemples  n'en  fussent  pas  si  communs.  Mais  on  en  verra  auiourd'huy  un  nombre  infini  de  ceux  qui  auront  honte  de  resister