48:8  8  tum  servemus,  ut  nulla  ex  parte  minuatur  Christi  honor:  et  i  tamen  fructum,  qui  hic  notatur,  speremus  ex  baptismo  nostro.  Temporis  brevitate  eos  ad  bene  sperandum  alacriores  reddit.  Unde  sequitur,  sion  poenitendam  fuisse  mortem,  quae  mox  tam  pretiosum  fructum  attulit.  Caeterum,  hoc  quoque  observemus,  baptismi  nomen  improprie  hic  usurpatum,  ut  plena  esset  antithesis.  Eadem  ratione  Paulus,  postquam  legem  operum  posuit,  ut  antitheton  ex  adverso  respondeat,  legem  fidei  usurpat  pro  fide  (Rom.  3,  27).  6.  Illi  vero  quum  essent  congregati,  interrogarunt  eum  dicentes:  Domine,  an  in  tempore  hoc  restituis  regnum  Israeli?  7.  Dixit  autem  illis:  Non  est  vestrum  nosse  tempora  et  opportunitates,  quas  pater  in  sua  ipsius  potestate  constituit.  8.  Sed  accipietis  virtutem,  quum  supervenerit  in  vos  spiritus  :  et  eritis  mihi  testes  tam  Ierosolymae,  quam  in  tota  Iudaea  et  Samaria,  et  usque  ad  extremum  terrae,  6.  Congregatos  fuisse  apostolos  refert,  quum  mota  fuit  haec  quaestio  :  ut  sciamus  non  unius  aut  alterius  stultitia  esse  motam,  sed  simul  omnium.  Mira  vero  illorum  fuit  ruditas,  quod  tam  absolute,  tantaque  cura  per  triennium  edocti,  non  minorem  inscitiam  produnt  quam  si  nullum  unquam  verbum  audissent.  Totidem  in  hac  interrogatione  sunt  errores,  quot  verba.  Quaerunt  de  regno:  sed  regnum  somniant  terrestre  quod  opulentia,  delitiis,  externa  pace,  et  similibus  bonis  constet.  Eius  restitutioni  dum  praesens  tempus  assignant,  triumphare  cupiunt  ante  militiam.  Priusquam  enim  operi,  cui  destinati  sunt,  manum  admoveant,  fructu  laboris  volunt  potiri.  Falluntur  etiam  in  eo,  quod  ad  carnalem  Israelem  restringunt  Christi  regnum,  quod  ad  ultimos  usque  mundi  fines  propagandum  erat.  In  tota  porro  quaestione  hoc  vitii  est,  quod  sapere  appetunt  ultra  iustam  mensuram.  Non  ignota  procul  dubio  illis  erant  prophetarum  vaticinia  de  instaurando  Davidis  regno  :  Christum  saepius  hac  de  re  concionantem  audierant  :  res  denique  vulgo  trita  erat,  ut  in  miserrima  populi  servitute  tamen  futuri  regni  exspectatione  erecti  omnium  animi  essent.  Iam  vero  instaurationem  hanc  sperabant  adventu  Messiae.  Inde  factum  est,  ut  apostoli,  quum  viderent  Christum  excitatum,  protinus  ad  illam  mente  transvolarent.  Sed  interea  ostendunt,  quam  male  profecerint  sub  optimo  magistro.  Itaque  Christus  brevi  responso  singulos  errores  scite  perstringit:  ut  mox  dicam.  Restituere  hic  rursum  vel  de  integro  statuere  significat,  quod  collapsum  et  multis  ruinis  deforme  erat  Nam  ex  arido  trunco  Isai,  nasci  surculum  oportuit:  et  tabernaculum  Davidis  misere  dissipatum  erigi,  7.  Non  est  vestrum.  Generalis  est  totius  quaestionis  reprehensio.  Curiosa  enim  erat,  quum  scire  appe-  7  8