46:8  8  Abraham,  depuis  Abraham  et  les  autres  Patriarches  iusques  aux  Prophetes,  et  depuis  les  Prophetes  iusques  a  la  venue  de  nostre  Seigneur  Iesus  Christ.  Tous  ceux-la  (di-ie)  ont  eu  des  visions  patentes,  et  Dieu  a  monstre  que  c'estoit  de  luy  que  procedoit  leur  doctrine,  laquelle  il  leur  avoit  commise.  Quand  la  Loy  a  este  donnee,  nous  scavons  que  la  terre  a  este  toute  esmeue,  et  que  l'air  en  est  fendu,  que  les  esclairs  ont  vole,  que  la  trompette  a  este  ouye  par  les  nues,  que  (bref)  il  y  a  eu  une  telle  frayeur,  que  tout  a  este  confus.  Et  Dieu  alors  a  voulu  dompter  toute  gloire  humaine,  Dieu  a  voulu  reduire  les  hommes  en  subietion,  voire  combien  qu'ils  fussent  comme  bestes  sauvages.  Et  puis  a  la  venue  de  nostre  Seigneur  Iesus  Christ,  nous  scavons  les  miracles  qui  ont  este  faits.  Tant  y  a  neantmoins,  que  Dieu  veut  auiourd'huy  esprouver  nostre  humilite  et  modestie,  a  ce  que  nous  recevions  sa  parole  quand  elle  nous  est  proposee  par  la  bouche  des  hommes.  Voyla  pourquoy  il  nous  faut  tant  mieux  observer  ce  mot  de  Ministres  en  S.  Luc:  c'est  ascavoir  que  nous  croyons  a  la  doctrine,  et  a  la  predication  des  Apostres,  non  pas  pour  leur  scavoir,  ni  pour  leur  eloquence,  ni  pour  rien  qui  leur  puisse  acquerir  grace  et  authorite:  mais  d'autant  que  Dieu  les  a  establis  a  ce  qu'ils  nous  fussent  maistres  et  docteurs,  et  qu'ils  nous  rendissent  tesmoignage  de  sa  verite.  C'est  doncques  ou  sainct  Luc  nous  a  voulu  amener.  Et  ainsi  apprenons,  quand  l'Evangile  a  este  presche  par  ceux  que  Dieu  a  marquez  et  choisis  et  lesquels  il  a  appelez  a  ceste  charge  et  office,  que  cela  nous  doit  contenter  du  tout.  Et  voyla  pourquoy  Moyse  disoit,  que  d'autant  que  le  peuple  avoit  la  Loy  qui  luy  estoit  escrite,  il  ne  faloit  plus  qu'il  demandast,  Qui  montera  au  ciel?  qui  volera  par  dessus  les  nues?  qui  descendra  aux  abysmes?  qui  passera  la  mer?  Car  tu  as  la  parole  en  ta  bouche,  et  en  ton  coeur:  arreste  toy  la.  Or  S.  Paul  monstre  que  cela  doit  estre  vrayement  accompli  en  l'Evangile:  C'est  (dit-il)  la  parole  de  grace  et  de  salut,  laquelle  nous  preschons  auiourd'huy.  Ai$si  donc,  quand  nous  aurons  ce  principe,  que  les  Apostres  ne  se  sont  point  ingerez  d'eux-mesmes,  mais  qu'estans  les  uns  poures  pescheurs,  et  gens  idiots,  les  autres  estans  mesmes  du  mestier  qui  estoit  alors  detestable  tant  et  plus,  de  ces  Peagiers  qui  recevoyent  les  imposts  et  tributs:  neantmoins  Dieu  a  tellement  besongne  en  eux,  qu'ils  ont  este  tesmoins  de  la  doctrine  de  salut:  que  nous  cognoissions  que  ce  n'est  point  assez  qu'ils  nous  soyent  produits,  et  mis  en  avant  de  la  main  de  Dieu,  mais  qu'il  faut  que  nous  les  acceptions,  et  qu'estans  fondez  sur  leur  doctrine,  nous  despitions  hardiment  tout  ce  qui  leur  est  contraire:  scachans  puis  que  Dieu  les  a  approuvez,  que  nous  ne  pouvons  faillir  de  nous  appuyer  sur  7