42:8  cercher  leurs  proies,  et  encores  pis,  car  une  beste  se  soulera  d'avoir  le  ventre  rempli,  mais  ceux  ici  ne  se  peuvent  saouler  ni  de  biens  ni  de  sang,  ils  avoient  conqueste  les  pays  les  plus  riches  du  monde,  et  toutesfois  cela  ne  leur  profite  de  rien  que  tout  s'escoulle,  qu'on  ne  scait  qu'il  devient,  il  est  vray  quant  aux  grands  qu'ils  s'estoient  enrichis,  mais  si  est  ce  qu'il  n'y  en  avoit  pas  un  de  l'armee  qui  n'eust  deu  estre  riche,  chacun  des  soldats  devoit  estre  comme  un  petit  prince,  veu  les  despouilles  qu'ils  avoient  eu,  les  conquestes  qu'ils  avoient  faites,  mais  ont  ils  tout  fait?  ils  doivent,  et  ne  scavent  dequoy  paier.  Voila  une  terrible  malediction  de  Dieu,  il  les  met  la  comme  s'il  leur  vouloit  donner  tous  les  biens  du  monde  en  main,  comme  s'il  n'estoit  question  que  de  humer  l'or,  les  pays  leur  sont  donnes  en  proie,  il  ne  reste  sinon  d'en  attrapper.  Et  bien  ont  ils  beaucoup  ravi  et  pille,  qu'il  sembloit  que  ce  fust  une  mer  d'or  et  d'argent,  de  ce  qu'ils  amassoient?  ont  ils  beaucoup  devore  et  englouti  de  richesses,  qu'en  avient  il?  ils  se  trouvent  tous  redevables,  que  si  Alexandre  n'eust  apporte  un  grand  argent  il  falloit  qu'ils  feissent  tous  banque  route.  Ainsi  donc  nous  voions  comme  Dieu  avoit  souffle  sur  toutes  leurs  proies,  a  fin  qu'on  conneust,  et  qu'est  ceci?  que  profitera  l'avarice  des  hommes,  encores  qu'ils  aient  pour  piller  tant  qu'ils  voudront,  que  si  Dieu  maudit  ce  qui  aura  este  amasse,  il  est  certain  que  tout  s'escoulera  plus  que  eau.  Or  voila  desia  une  diminution  qui  est  faitte  de  cette  grande  monarchie,  mais  quand  les  provinces  ont  este  tirees  ca  et  la  qu'elles  ont  este  dissipees  et  departies  comme  en  proie,  alors  on  ha  conu  eu  plus  ouvertement,  ce  qui  auroit  este  dit  par  l'ange  a  Daniel,  c'est  a  scavoir  que  ce  royaume  seroit  espandu  par  les  quatre  cornes  du  monde,  il  est  vray  qu'il  y  avoit  eu  beaucoup  de  gouverneurs  en  ce  premier  partage,  qui  fust  fait  soubs  umbre  de  tutelle,  mais  quand  Perdicas,  celuy  auquel  Alexandre  avoit  donne  son  aneau,  se  fust  retire  a  part,  alors  chacun  regarde  a  soy,  car  c'estoit  comme  le  chef  a  tous,  on  le  craignoit  plus  que  le  roy  Arideus.  Chacun  donc  pensa  a  ses  besongnes,  il  est  vray  qu'ils  retiennent  tousiours  les  noms  des  gouverneurs,  et  des  tuteurs,  qu'ils  ne  s'appelent  point  roys  (combien  qu'ils  le  fussent  a  la  verite)  iusques  a  ce  qu'ils  commencent  d'entendre  qu'il  y  ha  des  revoltes,  qu'il  y  ha  des  guerres  et  d'un  coste  et  d'autre,  que  cestui  la  ha  trahi  son  compaignon,  que  l'autre  ha  trompe  son  ami,  que  cependant  qu'une  guerre  est  esmeue  d'un  coste,  l'autre  attrappe  de  l'autre,  tant  y  ha  que  le  royaume  de  Macedone  fust  en  pillaige,  et  le  royaume  d'Asie  Mineure,  celuy  de  Babilonne,  et  celuy  d'Egypte.  Voila  donc  quatre  royaumes  qui  sont  divises,  et  c'est  ce  qui  est  dit,  que  ce  royaume  sera  espandu,  voire,  mais  non  point  a  la  race  d'Alexandre  le  7