41:8  nescit  :  quemadmodum  Christus  etiam  loquitur,  Coelum  et  terra  transibunt,  verba  autem  mea  non  transibunt:  hoc  est,  nunquam  erunt  irrita.  Quod  autem  coniungunt  Medos  cum  Persis,  hinc  apparet  quod  antea  diximus,  nempe  Cyrum  et  Darium  regnasse  in  commune,  quasi  collegas.  Nam  certe  ad  finem  vitae  concessa  fuerit  Darior  maior  dignitas,  potentia  tamen  erat  penes  Cyrum:  deinde  absque  controversia  filii  eius  fuerunt  haeredes  utriusque  regni,  et  monarchiae  orientalis,  nisi  ubi  coeperunt  inter  se  bellum  gerere.  Iam  quod  obtendunt  legem  Medorum  et  Persarum,  et  dicunt  esse  immutabilem,  hoc  quidem  laude  dignum  est  in  legibus,  nempe  ut  sancta  sit  illarum  autoritas:  deinde  ut  vigeant  etiam,  atque  obtineant  suum  effectum:  quia  ubi  subinde  variae  feruntur  leges,  necesse  est  multis  afferri  iniuriam:  quia  nullum  cuiusquam  privati  ius  erit  stabile,  nisi  ubi  lex  est  perpetua.  Deinde,  ubi  ita  permittitur  leges  figere,  ac  refigere,  in  locum  aequitatis  succedit  libido.  Nam  qui  omnia  possunt,  si  corrupti  fuerint  muneribus,  nunc  edictum  unum  promulgant,  deinde  aliud.  Sic  non  potest  vigere  ulla  aequitas  ubi  mutatio  in  legibus  tantum  habet  licentiae.  Sed  simul  etiam  prudenter  considerandum  est,  primum  ne  rex  edictum  aliquod  promulget  aut  legem  ferat  sine  gravi  et  maturo  consilio:  deinde  secundo  etiam  cavere  sibi  debent  reges,  ne  astu  et  obliquis  artibus  circumveniantur,  quemadmodum  saepe  fieri  solet.  In  regibus  ergo  et  eorum  edictis  probanda  est  ac  laudem  meretur  constantia,  modo  praecedant  prudentia  et  aequitas.  8ed  statim  videbimus  ut  stulte  reges  affectent  famam  constantiae,  et  ita  sua  pervicacia  ius  omne  pervertant.  Sed  haec  suo  loco  statim  videbimus.  Iam  sequitur,  10.  Daniel  autem  ubi  cognovit  quod  obsignata  (esset)  scriptura,  venit  (vel,  ingressus  est)  in  domum  suam,  fenestrae  autem  apertae  (erant)  ei  in  coenaculo  suo  versus  Ierusalem,  et  temporibus  tribus  in  die  (hoc  est,  vicibus  tribus  in  die,  id  est,  quotidie  tribus  vicibus)  inclinabat  se  super  genua  sua  (verbum  et  nomen  sunt  ex  eadem  radice,  genua  flectebat  super  genua,  vel  inclinabat  se),  et  precabatur,  et  confitebatur  coram  Deo  suo,  quemadmodum  fecerat  a  pristino  illo  tempore  (hoc  est,  sicuti  antea  facere  solitus  erat).  Nunc  refert  Daniel  se  fortitudine  spiritus  Dei  fuisse  indutum,  ut  vitam  suam  in  sacrificium  Deo  offerret:  quia  sciebat  nullam  fore  sibi  spem  veniae  residuam,  si  compertus  fuisset  violasse  edictum  regis:  sciebat  etiam  regem  ipsum  non  fore  liberum,  etiamsi  vellet  ignoscere  quemadmodum  eventu  comprobatum  fuit.  Quum  ergo  mors  esset  ante  oculos  prophetae,  ipsam  intrepide  oppetere  maluit  quam  cessare  a  pietatis  officio.  Notandum  est,  hic  non  agi  de  in-  7  8