38:8  populo.  Illic  autem  Isaias  deteriores  facit  Iudaeos  bobus  et  asinis,  quoniam  sit  aliquid  simile  memoriae  in  illis  brutis  animalibus,  ut  observent  suum  stabulum  et  praesepe.  Ita  nunc  Ieremias  de  ciconiis  loquens,  Ecce,  inquit,  ciconia  cognoscit  tempus  quo  migrare  deleat  ab  una  regione  in  aliam:  idem  etiam  observant  hirundines  et  grues.  Nam  statis  temporibus  anni  calorem  petunt,  hoc  est,  relinquunt  frigidas  regiones  ut  hyemis  intemperiem  effugiant  in  illo  recessu:  postea  sentiunt  quo  tempore  sibi  redeundum  sit.  Ergo  quum  averni  aere  observant  sua  tempora  volitando,  qui  fit  ut  populus  meus  non  consideret  iudicium  Dei?  inquit.  Quum  nomen  coelorum  ponit,  haud  dubie  alludit  ad  continuum  volatum  avium.  Aves  nihil  fere  habent  quietis:  nam  perpetuo  discursant  per  aerem.  Ergo  quum  tantum  sit  prudentiae  in  avibus,  quas  tamen  aer  huc  et  illuc  circumfert,  qui  fit  ut  populus,  qui  habitat  in  tranquillo  domicilio,  qui  per  otium  potest  meditari  legem  Dei,  ut  populus  hic  nihil  intelligat?  Videmus  ergo  esse  amplificationem  in  voce  illa  coelorum,  quae  non  fuit  notata:  et  tamen  posset  scrupulum  iniicere  lectoribus.  Nam  in  coelo  non  mirum  est  si  aves  plus  habeant  perspicaciae:  propius  enim  accedunt  ad  solem  et  ad  elementum  ignis.  Sed  aliud  prorsus  voluit  propheta,  nempe  quum  assidua  inquietudine  laborent  aves,  tamen  colligere  apud  se,  quodnam  sit  tempus  idoneum  vel  eundi  vel  redeundi.  Hinc  ergo  magis  exaggeratur  populi  socordia,  qui  dum  sedet  non  potest  tamen  expendere  domi  et  in  otio  quod  Deus  proponit.  Et  particula  Q},  emphatica  est:  etiam  ciconia,  inquit.  Quid  hoc  sibi  vult  quod  aves,  quae  intelligentia  carent,  tamen  agnoscant  tempus  suum?  populus  autem  meus,  ete.  Non  dubium  est  quin  propheta  sub  hoc  honorifico  titulo  clarius  exprimat  flagitium  gentis  suae.  Nam,  quemadmodum  nuper  dixi,  non  fuisset  adeo  mira  talis  caecitas  in  profanis  gentibus:  sed  quoniam  populus  ille  sacer  ac  peculiaris  erat  Deo,  hoc  fuit  longe  foedius  portentum,  quod  non  agnoverint  suum  iudicium.  Aliis  verbis  exprobrat  Pharisaeis  Christus  (Matt.  16,  2.  3),  quod  non  attenti  fuerint  ad  tempus  visitationis  suae.  Dicit  enim,  Vos  soletis  colligere  qualis  futura  sit  coeli  facies  in  crastinum:  quia  si  vespere  coelum  rubet,  dicitis,  cras  serenum  erit,  et  habetis  etiam  signa  futurae  et  propinquae  pluviae:  Vos,  inquit,  estis  praediti  satis  acuto  iudicio  in  rebus  externis,  quae  conducunt  ad  usum  praesentis  vitae:  non  autem  cognoscitis  visitationis  vestrae  tempus,  et  interea  signa  quaeritis:  atqui  si  essetis  attenti,  Deus  satis  clare  et  quasi  digito  monstraret  vobis  iam  instare  tempus  illud  liberationis,  quod  fingitis  vos  expetere.  Sed  propheta  asperius  castigat  Iudaeos,  quum  dicit  plus  esse  fatuitatis  vel  amentiae  in  ipsis,  quam  sit  in  avibus.  Dicit  autem  eos  non  cognoscere  iudicium  Domini,