35:8  est  certain  que  nous  voulons  estre  iustes  par  dessus  luy.  Il  est  vray  que  nous  ne  le  dirons  pas,  et  aussi  nous  n'en  aurons  pas  une  telle  persuasion  en  nous:  mais  la  chose  le  monstre:  cela  suffit  pour  nostre  condamnation  quand  nous  ne  donnons  point  gloire  a  la  iustice  de  Dieu,  pour  le  iustifier.  Cecy  sera  mieux  entendu  par  l'exemple.  Voicy  Iob  qui  cognoist  que  Dieu  est  iuste,  voire  il  le  cognoist  sans  feintise:  quant  a  luy  il  se  confese  un  povre  pecheur,  et  qu'il  y  a  beaucoup  a  redire  en  luy,  et  mesmes  s'il  veut  quereller  contre  Dieu,  qu'il  sera  convaincu  mille  fois  devant  qu'il  ait  respondu  a  un  seul  article.  Iob  donc  ne  se  veut  pas  directement  iustifier  par  dessus  Dieu,  ny  mesmes  faire  egal.  Or  cependant  que  dit-il?  Ie  m'esbahi  pourquoy  Dieu  m'afflige  ainsi,  et  qu'y  a-il  a  redire  en  moy?  Et  puis,  Ie  suis  une  povre  creature,  pleine  d'infirmite:  et  faut-il  que  Dieu  desploye  son  bras  robuste  contre  moy?  Que  ne  me  fait-il  mourir  du  premier  coup?  Quand  Iob  s'abandonne  ainsi  a  tant  de  murmures  et  despitemens,  il  n'y  a  nulle  doute  qu'il  ne  se  face  iuste  par  dessus  Dieu.  Et  pourquoy?  Il  luy  semble  que  Dieu  n'a  point  de  raison  de  l'affliger  ainsi:  et  pource  qu'il  ne  cognoist  point  pourquoy  cela  se  fait,  il  ne  demande  sinon  que  Dieu  vienne  la  comme  sa  partie  adverse.  Et  puis  il  se  despite  en  second  lieu,  de  ce  que  Dieu  ne  le  consume  pas  du  premier  coup,  et  qu'il  ne  l'envoye  aux  abysmes.  Quand  done  Iob  a  des  passions  si  vehementes,  ii  n'y  a  nulle  doute  qu'en  ce  faisant  il  ne  se  face  iuste  par  dessus  Dieu.  Et  c'est  ce  que  i'ay  desia  dit,  que  nous  blasphemerons  souvent  en  nos  passions  sans  y  penser:  et  cela  nous  doit  rendre  tant  plus  avisez  de  ne  point  lascher  la  bride  a  nos  passions  a  fin  de  n'estre  point  si  miserables  que  de  blasphemer  Dieu  sans  que  nous  y  pensions.  Ceste  doctrine  donc  nous  est  bien  utile.  Quand  le  sainct  Esprit  prononce  que  tous  ceux  qui  se  despitent  et  murmurent  en  leurs  afflictions,  tous  ceux  qui  ne  se  peuvent  assuiettir  a  la  main  forte  de  Dieu  pour  confesser  que  tout  ce  qu'il  fait  est  iuste  et  raisonnable,  que  tous  ceux-la  se  font  iustes  par  dessus  Dieu  :  et  encores  qu'ils  ne  le  disent  pas,  mais  qu'ils  protestent  cent  fois  qu'ils  ne  le  voudroyent  iamais  penser,  la  chose  est  telle  neantmoins.  Et  voicy  un  iuge  competent  qui  en  a  donne  l'arrest,  il  n'est  point  question  de  regimber  a  l'encontre:  car  nous  n'y  gaignerons  rien.  Ainsi  donc  que  reste-il,  sinon  que  nous  apprenions  de  nous  condamner  devant  toutes  choses,  et  quand  nous  venons  devant  Dieu,  que  tousiours  nous  apportions  nostre  procez  fait  pour  dire  que  nous  sommes  povres  pecheurs?  et  au  reste  quand  les  iugemens  de  Dieu  qu'il  exercera  sur  nous,  nous  sembleront  trop  aigres,  que  nous  les  portions  patiemment,  sans  faire  plus  grandes  enquestes.  Si  nous  trouvons  estrange  que  Dieu