30:8  8  istud  suscepisse:  quandoquidem  inter  eos  convenerat  ut  Gi  galem  populus  convocantur,  et  ibi  convenirent.  Quod  sane  fieri  non  poterat,  nisi  Deus  autorem  huius  belli  se  demonstrasset.  Quod  vero  tandem  malus  exitus  belli  huius  fuit,  Saulis  culpa  contigisse  videbimus.  Nam  etsi  Deus  victoriam  Israelitis  dedit,  et  a  se  profectum  istius  pugnae  initium  palam  declaravit:  tamen  victoriae  fructus  quodammodo  luctuosus  fuit  in  persona  Ionathani,  quem  pater  temere  neci  dare  cogitavit,  nisi  populi  precibus  et  intercessionibus  illi  cautum  esset.  Sane  de  vita  periclitatus  est,  quod  tantum  de  savo  mellis  degustasset,  intincta  in  illum  extremitate  baculi,  ut  collapsas  vires  reficeret.  Culpa  vero  Saulis  illa  contigerunt,  quam  tamen  multis  aliis  deinceps  auxit,  nam  exinde  nunquam  destitit,  malum  malo  cumulare.  Quidam  vero  exponunt  illum  regnasse  biennium,  quod  postquam  sacrificasset  absente  Samuele  exauctoratus  sit,  quandoquidem  Samuel  minatur  regnum  ipsius  non  stabilitum  iri:  et  non  longo  post  tempore  mortuus  est:  sed  iste  sensus  videtur  nimis  coactus,  et  ab  ipso  textu  alienus.  Quare  hoc  in  praesentia  sufficiat,  quidquid  tum  accidit,  Dei  providentia  et  voluntate  factum  fuisse:  et  non  ausu  temerario  Ionathani  praesidium  hostium  adorientis.  Caeterum  hinc  observandum,  non  admodum  fidelem  regi  fuisse  populum.  Nam  post  tubae  quidem  sonitum  singuli  commoti  sunt,  et  ad  obediendum  parati.  Verum  quum  ad  pugnam  ventum  est  antequam  in  hostium  conspectum  venirent,  collapsi  sunt,  et  animum  desponderunt:  alii  quidem  in  cavernas  et  speluncas  fugientes,  alii  in  montes  et  praerupta  saxa,  alii  in  deserta,  et  antequam  vel  ictum  accepissent,  adversum  se  sententiam  tulerunt.  Quid  ita?  Nempe  quod  hostium  suorum  vires  ex  humano  captu  metiantur:  et  non  attendant  quae  in  lege  praescripta  sunt  a  Mose  :  Quum  tibi  adversus  hostes  pugnandum  erit,  noli  intueri  an  hostes  tui  sint  instructissimi  et  magno  numero:  sed  certo  persuasus  esto  Deum  te  invictissimo  robore  et  virtute  donaturum.  Quare  si  a  tuis  partibus  steterit,  cave  quidquam  metuas,  certo  enim  victoria  tibi  promittitur.  Sed  istae  Dei  promissiones  ex  mentibus  ipsorum  elapsae,  nullum  apud  eos  locum  habebant:  et  maiore  Saulem  honore  et  reverentia  colebant,  quam  Deum  ipsum,  cuius  tamen  unius  ope  et  auxilio  fretos  esse  oportebat,  etsi  mille  ipsis  mortis  imminerent  discrimina.  Summam  igitur  istius  populi  ingratitudinem  tum  turpis  fuga  prodebat,  cum  summa  incredulitate  coniunctam.  Porro  dicuntur  iterum  a  Saule  collecti  animos  sumsisse,  seseque  velut  ad  praelium  comparasse:  verum  ubi  viderunt  Samuelem  praefixo  tempore  non  advenisse,  novo  terrore  perculsi  et  velut  horrore  perciti  dilapsi  fuisse,  et  se  domum  suam  recepisse,  et  Saul  derelictus  ab  illis  fuisse.  Quam  etiam  ob