29:8  8  soit:  C'est  une  generation  perverse  et  maudite,  ou  bien  une  generation  muable,  qui  change,  et  ou  il  n'y  a  nulle  teneure,  maintenant  ci,  maintenant  la:  et  il  n'exprime  point  seulement  l'inconstance  qui  estoit  au  peuple,  mais  la  desloyaute.  Il  adiouste  :  Qu'il  riy  a  nulle  fermete.  Et  le  mot  aussi  signifie  droicture,  il  signifie  loyaute  et  foy.  En  somme  Dieu  declare  ici  qu'il  a  par  trop  experimente  ce  peuple,  et  que  en  la  fin  il  est  apparu  qu'il  n'y  avoit  nulle  droicture:  mais  toute  trahison  et  desloyaute.  Apres  donc  avoir  cogneu  une  telle  malice,  il  dit  qu'il  se  cachera.  Or  il  nous  doit  souvenir  de  ce  que  i'ay  n'agueres  touche,  c'est  assavoir,  que  pour  un  temps  Dieu  nous  pourra  favoriser,  et  estre  propice,  encores  que  nous  soyons  dignes  qu'il  use  de  rigueur  envers  nous,  si  est-ce  qu'il  nous  espargnera.  Mais  quand  il  est  ainsi  patient,  c'est  afin  que  nous  soyons  diligens  a  examiner  nos  vices,  pour  nous  appeller  tous  les  iours  a  conte,  et  regarder  de  pres  a  ee  qu'il  y  a  a  redire  en  nous.  lit  notons  bien  ce  qui  a  este  aussi  allegue  de  S.  Paul,  que  Dieu  nous  convie  a  repentance  par  douceur,  quand  du  premier  coup  il  ne  nous  chastie  pas  selon  que  nous  l'avons  merite.  Puis  qu'ainsi  est  donc,  quand  Dieu  se  monstrera  benin  et  gracieux  envers  nous,  qu'un  chacun  regarde  comme  il  a  vescu:  et  si  nous  avons  abuse  des  biens  qu'il  nous  a  eslargis,  que  nous  passions  condamnation,  et  que  nos  pechez  nous  desplaisent,  que  nous  retournions  a  luy  avec  une  telle  tristesse,  qu'on  cognoisse  que  c'est  sans  feintise.  Voila  ce  que  nous  avons  a  retenir  en  premier  lieu.  Mais  cependant  si  nous  voulons  nous  absoudre  par  flatterie,  pour  nous  donner  licence  de  mal  faire:  apres  que  Dieu  aura  assez  endure,  si  faudra-il  qu'il  execute  sa  sentence,  laquelle  ne  se  peut  retracter,  c'est  de  cacher  sa  face  de  nous,  et  de  voir  quelle  sera  nostre  issue,  et  nous  laisser  la  pourrir  en  nos  miseres,  quand  nous  n'aurons  peu  souffrir  qu'il  eust  sa  main  estendue  pour  nous  aider.  Et  sur  tout  notons,  que  Dieu  ne  peut  souffrir  l'hypocrisie  aux  hommes:  car  entre  autres  choses  il  demande  que  nous  ayons  droicture  et  verite  en  nous,  que  nous  cheminions  tellement  que  nous  n'ayons  point  le  coeur  double,  que  nous  ne  soyons  point  desguisez  devant  luy.  Or  ii  est  vray  que  nostre  nature  est  pleine  de  fiction:  comme  nous  voyons  que  Ieremie  parle  du  coeur  de  l'homme,  qu'il  est  pervers,  entortille  en  toute  malice,  que  c'en  est  un  abysme.  Mais  si  faut-il  que  nous  changions,  si  nous  voulons  que  Dieu  nous  accepte  et  approuve  pour  ses  enfans  :  et  si  nous  sommes  enclins  a  mal,  qu'il  n'y  ait  point  d'amertume  en  nous  ne  de  durte,  que  nous  prions  Dieu  qu'il  nous  reveste  de  son  sainct  Esprit,  qui  est  l'Esprit  de  constance,  et  qu'il  nous  purge  tellement  de  toutes  nos  malices,  et  desloyautez,  que