27:8  8  avons  efface  l'image  de  Dieu,  entant  qu'en  nous  estoit,  et  par  le  peche  orginel  nous  sommes  tellement  depravez,  et  corrompus,  que  Dieu  nous  desadvoue,  que  nous  ne  sommes  pas  dignes  d'estre  reputez  pour  ses  creatures:  et  neantmoins  encores  nous  veut-il  recueillir  a  soy.  Oar  au  Baptesme  nous  avons  l'alliance  de  Dieu  comme  engravee  en  nos  corps,  qu'il  nous  declare  qu'il  nous  veut  tenir  pour  son  peuple  et  pour  son  heritage.  Or  aurons-nous  quelque  dignite  pour  parvenir  a  un  tel  bien?  Helas  non  :  car  desia  nous  sommes  coulpables  d'avoir  aneanti  l'image  de  Dieu.  Il  est  vray  que  cela  procede  de  l'origine  du  premier  homme:  mais  si  n'en  sommes-nous  point  hors  de  faute.  Et  au  reste,  apres  nostre  Baptesme,  comment  est-ce  que  nous  avons  este  alienez  de  Dieu?  Car  nous  n'avons  point  seulement  commis  des  petites  fautes,  commeil  adviendra  aux  fidelles:  mais  du  temps  de  nostre  idolatrie  et  superstition  nous  avons  aneanti  toute  la  grace  qui  nous  estoit  promise  au  Baptesme,  nous  avons  renonce  au  salut  qui  nous  avoit  este  acquis  par  nostre  Seigneur  Iesus  Christ,  nous  avons  quitte  nostre  Dieu,  nous  luy  avons  fausse  le  mariage  spirituel  qu'il  avoit  contracte  avec  nous,  qu'il  n'y  a  eu  que  corruption  en  nous  quand  nous  avons  este  ainsi  transportez  apres  nos  superstitions  :  et  toutesfois  si  n'a-il  pas  laisse  encores  de  retourner  a  nous,  et  de  nous  retirer  au  chemin  de  salut.  Quand  nous  voyons  cela,  ne  devons-nous  pas  estre  plus  que  conveincus  d'un  bonte  infinie,  pour  mettre  sous  le  pied  toute  vaine  imagination  de  merites,  et  que  nous  confessions  que  nous  tenons  tout  de  Dieu?  Et  c'est  ce  que  desia  nous  avons  allegue  au  passage  de  S.  Paul,  que  Dieu  nous  remonstre  que  nous  sommes  de  luy,  non  point  entant  que  nous  sommes  hommes:  mais  en  ce  que  nous  sommes  sa  facture:  comme  il  est  declaire  au  deuxiesme  des  Ephesiens,  qu'il  nous  a  formez:  car  autrement  il  n'y  a  qu'iniquite  en  nous,  d'autant  que  tousiours  nostre  nature  se  trouvera  du  tout  perverse,  et  maudite.  Voila  donc  la  comparaison  que  nous  devons  faire  de  nous  avec  le  peuple  ancien,  pour  nous  humilier,  et  sentir  que  nous  sommes  beaucoup  plus  obligez  a  Dieu,  de  ce  qu'il  nous  a  eslargi  sa  misericorde  gratuite,  quand  il  luy  a  pleu  nous  retenir  de  sa  maison:  que  nous  luy  sommes  (di-ie)  beaucoup  plus  tenus  que  n'ont  point  este  les  Iuifs.  Or  il  est  vray  que  Dieu  a  escrit  sa  Loy  en  deux  tables  de  pierre,  comme  desia  nous  avons  expose  ci  dessus:  sur  tout,  en  premier  lieu,  afin  que  sa  doctrine  demeurast  ferme.  Car  il  a  regarde  a.  la  facon  commune  d'entre  les  hommes,  quand  ils  faisoyent  des  alliances,  elles  estoyent  engravees  en  pierre,  ou  en  airain:  ainsi  Dieu  a  voulu  que  sa  Loy,  pour  estre  mieux  retenue,  fust  engravee  en  deux  pierres.  Voila  donc  un  con-