26:8  8  c'est  a  dire,  qu'il  estoit  contraint  de  cognoistre  que  c'estoit  en  vain  qu'il  resistoit  a  la  main  de  Dieu.  Or  nous  voyons  encores  l'obeissance,  quand  il  est  dit  qu'il  a  attendu  d'avoir  nouveau  commandement,  qu'il  n'a  pas  ose  desmarcher  d'un  seul  pas.  Il  sembloit  que  Dieu  se  mocquast  en  les  faisant  ainsi  tournoyer:  ils  pouvoyent  dire:  Et  que  sera-ce  en  la  fin?  Si  Dieu  veut  que  nous  demourions,  que  ne  nous  laisse-il?  Et  s'il  veut  que  nous  marchions,  que  ne  nous  monstre-il  le  chemin,  pour  dire:  Allez  plus  outre?  Mais  il  nous  tient  ici  comme  des  petis  enfans,  que  nous  ne  faisons  que  circuir,  sans  sortir  d'une  place,  et  quand  nous  avons  beaucoup  travaille  nos  iambes,  c'est  sans  faire  nul  chemin.  Ce  peuple  donc  pouvoit  ainsi  disputer.  Mais  quoy?  Il  attend  que  Dieu  luy  dise:  Tournez  la.  Nous  voyons  donc  encores  comme  ce  chastiment  luy  avoit  profite  en  cest  endroit.  Et  sur  cela,  notons  que  la  vraye  repentance  emporte.  Au  lieu  que  nous  avons  este  sourds  quand  Dieu  parloit  a  nous,  et  que  nous  n'avons  point  donne  audience  a  sa,voix:  qu'il  nous  faut  tenir  bridez  sous  luy,  et  selon  qu'il  nous  dira,  que  nous  facions,  et  non  plus.  Voila  le  principal  fruict  de  repentance.  Et  s'il  nous  est  monstre  en  ce  peuple  qui  a  este  tant  revesche  et  tant  sauvage:  quelle  excuse  y  aura-il  pour  nous,  quand  nous  ne  pourrons  recevoir  ce  qui  nous  est  dit  au  nom  de  Dieu:  et  mesmes  que  nous  voudrons  tousiours  repliquer,  et  que  nous  n'aurons  point  ceste  prudence,  et  discretion  d'estre  conduits  par  celuy  qui  seul  nous  peut  mener  droitement?  D'autant  plus  nous  faut-il  efforcer  de  ne  rien  attenter,  sans  que  Dieu  nous  le  commande.  Au  reste  il  est  dit:  Que  le  peuple  passera  par  le  pays  d'Idumee  sans  irriter  les  habitans.  Pourquoy?  En  premier  lieu  il  est  dit:  Ce  sont  vos  freres,  les  enfans  d'Esau.  Nous  savons  qu'Esau  avoit  este  frere  de  Iacob,  qui  estoit  patriarche,  et  comme  la  souche  dont  ce  peuple  estoit  descendu.  Or  d'autant  qu'Esau  estoit  de  la  lignee  d'Abraham,  une  partie  de  ceste  terre  luy  appartenoit,  sinon  qu'il  eust  este  retranche  de  l'heritage,  voire,  non  point  a  l'appetit  des  hommes,  mais  par  le  decret  celeste  que  Dieu  en  prononca,  cependant  mesmes  que  la  mere  Rebecca  estoit  enceincte,  qu'il  fut  dit:  Que  le  plus  grand  serviroit  au  plus  petit.  Tant  y  a  qu'Esau  ne  laissoit  point  d'estre  frere  de  Iacob.  Et  ses  enfans  devoyent  observer  entre  eux  ceste  fraternite  et  parentage.  Voila  pour  un  item.  Et  puis  le  second  est,  que  Dieu  a  donne  la  montagne  de  Seir  en  possession  a  Esau.  C'a  este  son  partage:  quand  il  l'a  exclu  de  la  terre  de  Canaan,  il  luy  a  donne  ceste  region-la  pour  ses  successeurs.  Puis  qu'ainsi  est  donc  que  cela  luy  est  assigne  de  Dieu,  il  ne  faut  point  que  es  hommes  attentent  de  l'en  priver,  ne  despouiller.  Or  quant  a  ceste  fraternite,  Dieu  veut  que  nous