16:8  satius  esse  ut  semel  res  agatur,  licet  fortasse  serius,  quam  ut  praecipitata  contemnatur,  et  potius  velitatio  quam  iustum  praelium  habeatur.  Accedit  praeterea  me  non  habere  corpus  usque  adeo  factum  ad  graves  labores,  et  quotidianas  occupationes  non  esse  leves.  Doceo  enim  quum  theologica  tum  Aristotelis  Ethica,  quae  onera  ingenioso  et  apprime  instituto  fortassis  parvi  momenti  essent,  at  mihi,  ut  verum  fatear,  multum  negotii  facessunt.  Hae  sunt  rationes,  vir  clarissime,  cur  mea  lucubratio  non  tam  cito  sit  in  lucem  edenda.  Liber  adversarii,  ut  dixi,  prolixus  est  et  versutus.  Meae  praeterea  vires  non  sunt  robustae,  atque  aliis  subinde  occupationibus  intercipiuntur.  Sed  hoc  me  consolatur,  ecclesiam  nullam  inde  iacturam  facere.  Nam  quae  tu  egregie  scribis,  quae  antea  sunt  a  doctissimis  viris  elaborata,  quaeque  a  nonnullis  Anglis  materna  lingua  edita  sunt,  abunde  huic  optimae  causae  sufficere  arbitror,  quamvis  furori  Saxonum  nihil  unquam  satis  fore  sperem.  Bonus  senex  Theobaldus  Nigri4)  a  suo  diacono  ut  Zwinglianus  insimulatur,  ut  ille  nolit  amplius  cum  suo  pastore  communicare:  certe  ab  illo  iuvene  canis  Theobaldi  mala  rependitur  gratia.  Me  voluisset  habere  iudicem  :  sed  recusor.  Offerunt  illi  Marpachium  et  Rabbum.5)  Senex  Marpachium  non  recusat,  sed  Babbum  nullo  pacto  vult  admittere.  Ego  senilem  animum  consolari  et  confirmare  non  intermitto.  Quid  vero  sequuturum  sit  nequeo  divinare  :  nam  a  reditu  meo  ex  Anglia  non  vocor  ad  ecclesiastica  consilia.  De  missa  et  sacrificiis  eiiciendis  hoc  anno  bona  spes  erat,  et  adhuc  non  desperatur.  Sed  Beatus6)  in  ter  tur  ba  vit  omnia.  Concionem  quippe  solennem  habuit,  quum  consul  novus  inauguraretur,  et  orationem  suam  in  eo  totam  consumpsit,  ut  probaret  magistratui  hoc  non  licere  facere,  quod  canonici  summi  templi  eorum  ditioni  minime  subiiciantur,  addebatque  hoc  agere  nil  aliud  esse  quam  bellum  minime  necessarium  sibi  accersere.  Concio  populum  propemodum  universum  offendit,  symmystas  omnes  laesit,  quum  saxum  illud  toto  hoc  anno  volvunt:  sed  quid  senatus  iudicaturus  sit  nescimus.  Deus  rem  bene  vertat.  Tu  vero,  clarissime  vir,  bene  valeto,  et  me  ut  facis  ama.  Cupio  istic  ami-  4)  Schwarts  pastor  Palaeopetrinus  iam  eo  tempore  quo  missa  abolita  fuit.  Diaconus  eius  fuit  Georgius  Mornhinweg,  postea  diaconus  ad  S.  Thomae,  a.  1557  simul  cum  suo  pastore  Beato  Gerungio  a  magistratu  dimissus,  ob  indolem  inquietam  et  violentam.  5)  pastor  ad  aedes  novas  quae  dicebantur,  vis  ambitiosus  et  a  moribus  rusticis  cognitus,  Memmingae  natus  1524,  in  Zelln  familia  educatus.  6)  Gerungius  solus  pro  observando  Interim  pugnabat  quum  caeteri  ministri  omnes  abrogari  illud  iuberent.  (Moehrich  III.  93.  Marbach,  diar.  passim.)