15:8  point  encor  le  peuple  de  Dieu  en  toute  icelle  sincerite  et  purite  de  doctrine,  come  il  est  requis:  apportant  come  enfans  d'Aaron  du  feu  estrange  au  tabernacle  du  Seigneur  quest  aultre  doctrine  quicelle  des  Apostres  et  des  Prophetes,  entremeslant  la  doctrine  des  fauls  docteurs  de  leglise  d'Antichrist,  Augustin,  Ambroise,  Ierosme,  Gregoire  et  tous  aultres  semblables  quest  doctrine  de  Satan,  avec  la  saincte  et  pure  doctrine  desdicts  Apostres  et  Prophetes,  dictee  de  lesprit  du  Seigneur,  faisant  abomination  devant  le  Throne  de  la  Mageste  eternele,  et  ainsi  faisant  forniquer  le  peuple  du  Seigneur,  ne  l'enseignant  point  en  la  seule  purite  de  la  dicte  doctrine  evangelique  diceluy.  Parquoy  affin  que  chose  dune  si  grande  et  tele  importance  soit  veue.  bien  consideree  et  resolue,  Esmeu  le  dict  moindre  serve  du  Seigneur  du  zele  de  la  gloire  de  leternele  Mageste  de  nostre  bon  Dieu  :  et  pour  le  benefice  des  ames  de  luniversel  son  peuple,  et  come  celuy  qui  desire  plus  gran  bien  ausdicts  ministres  et  meilleur  adresse  et  estat,  quiceluy  auquel  ils  sont  priant  pour  eus  le  seigneur  quil  y  plaise  leur  ouvrir  les  yeux  a  congnoistre  ceste  verite,  et  bien  entendre  la  volonte  diceluy  bon  Dieu.  Il  vous  requiert  donc,  O  genereus  Princes,  come  sublime  puissance  par  le  seigneur  nostre3)  ordonnee  :  A  vouloir  faire  congreguer  tous  les  ministres  au  plus  grand  temple  de  la  Cite,  dimanche  prochaine  au  matin  a  lheure  de  ia  predication,  assembler  toute  leglise  pour  veoir  et  ouvyr  la  vraye  dilucidation  des  sept  conclusions  quil  mect  icy  au  pie  de  ceste  requeste:  A  estre  conferees  chrestiennement  et  vuidees.  Et  come  saincts  et  vertuens  Princes  et  conseilliers  esleues  du  Seigneur  sur  le  peuple  quil  vous  a  commys,  II  vous  requiert  de  ia  part  du  dict  eternel  fils  -de  Dieu  vivant  et  tout  puissant,  dy  avoir  meure  consideration,  mandant  cecy  au  plus  tost  a  entiere  exequcion:  affin  quil  en  resulte  gran  Gloire  au  Seigneuer  et  benefice  a  son  universel  peuple.  La  grace  et  paix  duquel  soit  avec  vous  sempiternelement,  en  toute  consolacion  au  sainct  esprit.  Amen.  Sensuivent  sept  conclusions  lesqueles  propose  le  moindre  serve  du  Seigneur  Iohan  de  Leonnard^  publiquement  devant  luniversel  peuple  de  Dieu  et  de  nostre  Seigneur  Iesus  Christ  a  estre  soubstenue^  et  par  grace  du  Seigneur  Iesus,  il  soy  offre  prest  de  faire  veoir  par  certaine  demonstracion  quelles  sont  plaines  de  verite.  Premierement  que  tous  ministres  des  eglises  du  Seigneur  quon  appelle  evangeliques  lesqueles  meslent  la  doctrine  de  Satan  d'Augustin,  Hierome,  Ambroise,  3)  Dieu  omis.  (?)  7  8