10.1:8  la  fraction  du  pain  qui  est  lordonnance  de  la  Cene  et  telle  az  este  tousjours  la  practique  de  lesglise  ancienne  iusques  a  ce  que  1  abomination  des  messes  a  este  jntroduicte,  en  la  quelle  au  lieu  de  ceste  communication  de  tous  les  fideles  a  este  dresse  cest  horrible  sacrilege,  que  ung  sacrifieroyt  pour  tous.  En  quoy  la  Cene  a  este  du  tout  destruite  et  abolie.  Mays  pour  ce  que  linfirmite  du  peuple  est  encore  telle  quil  y  avoyt  dangier  que  ce  sacre  et  tant  excellent  mestere1)  ne  vint  en  mespris  sil  estoyt  si  souuent  celebre.  Ayant  esgard  a  cela  jl  nous  a  semble  bon  que  en  attendant  que  le  peuple  qui  est  encores  aucunement  debile  sera  plus  conferme,  ceste  saincte  Cene  soyt  vsitee2)  vne  foys  chascun  moys  en  lung  des  troys  lieux  ou  se  font  maintenant  les  predications,  Cest  a  scauoir  St.  Pierre,  Riue  ou  St.  Gervays.  Tellement  que  lung  des  moys  elle  se  face  a  Sainct  Pierre,  laultre  a  Riue  et  laultre  a  Sainct  Greruays  et  ainsi  reuienne  par  ordre  apres  auoyr  acheue  le  tour.  Toutefoys  ce  ne  sera  pas  pour  vng  quartier  de  la  ville  mays  pour  toute  lesglise  Et  pour  ce  fayre  on  eslira  heure  commode  et  le  denuncera  on  par  tout  le  dimenche  deuant.  Affin  quil  ny  ayt  rien  de  contemptible,  mays  que  ce  hault  mistere  soyt  traicte  en  la  plus  grande  dignite  que  possible  sera,  jl  nous  a  semble  aduis  le  meilleur  que  les  ministres  de  la  parolle,  desquelz  proprement  loffice  est  dadministrer  tout  ce  que  apartient  aux  misteres  de  Dieu  distribuent  le  pain  et  le  vin,  figures  et  sacremens  du  corps  et  du  sang  de  nostre  Seigneur.  Et  affin  que  tout  ce  face  en  honnestete  et  sans  tumulte  ne  jnsolence  nous  auons  propose  de  fayre  nostre  debuoyr  a  remonstrer  et  aduertir  quel  ordre  le  peuple  y  debura  tenir,  Et  admonester  vng  chacun  de  euiter  confusion,  Et  vous  supplier  de  pouruoyr  par  le  moyen  que  verrez  expediant  quil  y  ayt  bonne  conduicte  veuz  que  S.  Paul  nous  commande  tant  de  y  venir  en  singuliere  reuerence.  Mays  le  principal  ordre  qui  est  requis  et  du  quel  jl  conuient  auoyr  la  plus  grande  sollicitude  cest  que  ceste  saincte  Cene  ordonnee  et  jnstituee  pour  conjoindre  les  membres  de  nostre  Seigneur  Iesuchrist  auecq  leur  chefz  et  entre  eux  mesmes  en  vng  corps  et  vng  esprit  ne  soyt  souillee  et  contaminee,  si  ceux  qui  se  declairent  et  manifestent  par  leur  meschante  et  jnique  vie  nappertenir  nullement  a  Iesus,  viennent  a  y  communiquer.  Car  en  ceste  profanation  de  son  sacrement  nostre  Seigneur  est  grandement  deshonore,  Pourtant  jl  nous  fault  donner  de  garde  que  ceste  pollution  qui  redunde  tellement  au  deshonneur  de  Dieu  ne  soyt  venue3)  entre  1)  mystere.  2)  Gaberel:  visitee.  3)  vue.