9:799  799  PRAEFATIONES.  800  nouvellee  a  Abraham,  qiiaud  Dieu  luy  dit,  que  par  sa  semence  toutes  les  nations  de  la  terre  seroient  beneistes.  C'estoit  que  de  sa  semence  sortiroit  Iesus  Christ  selon  la  chair,  par  la  benediction  duquel,  tous  hommes  (de  quelque  region  qu'ilz  fussent)  seroient  sanctifiez.  Et  derechef  fut  continuee  a  Izahak  en  mesme  forme  et  mesmes  parolles.  Et  apres  souventesfois  denoncee,  repetee,  et  confirmee  par  le  tesmoignage  de  divers  prophetes,  iusque  a  demonstrer  pleinement  pour  plus  grande  fiance,  de  qui  il  devoit  naistre,  en  quel  temps,  en  quel  lieu,  quelles  afflictions  et  mort  il  devoit  souffrir,  la  gloire  en  laquelle  il  devoit  resusciter,  quel  seroit  son  regne,  a  quel  salut  il  conduyroit  les  siens.  Premierement  nous  a  este  predit  en  Isaiah,  comment  il  devoit  naistre  d'une  vierge,  disant:  Voicy,  la  vierge  sera  enceincte,  et  enfantera  ung  filz,  et  appelleras  le  nom  d'iceluy  Emmanuel.  En  Moseh  nous  est  descrit  le  temps,  quand  le  bon  Iakob  disoit:  Le  sceptre  ne  sera  point  oste  de  la  lignee  de  Iehudah,  ne  le  conducteur  de  son  exercite  iusque  a  ce  que  celuy  vienne  qui  doibt  estre  envoye.  Et  iceluy  sera  l'attente  des  gentz.  Ce  qui  a  este  verifie  au  temps  que  Iesus  Christ  est  venu  au  monde.  Car  les  Romains  apres  avoir  desvestu  1es  Iuifz  de  tout  gouvernement  e  fc  conduicte  avoient  environ  trente  sept  ans  auparavant  ordonne  Herode  roy  sus  eulx:  lequel  estoit  estranger  ayant  son  pere  Antipater  Idumien,  et  sa  mere  Darabie.  Il  estoit  quelque  fois  advenu  que  les  Roys  estoient  faillis  aux  Iuifz:  mais  iamais  n'avoient  este  veuz  sans  conseilliers,  gouverneurs,  et  legislateurs  comme  adonc.  Et  une  autre  description  en  est  faicte  en  Daniel,  par  la  supputation  des  sep  tantes  sepmaines.  Le  lieu  de  sa  naissance  nous  a  este  clairement  monstre  par  Micheah,  disant:  Et  toy  Bethlehem  Ephrata,  tu  es  la  plus  petite  entre  les  mille  de  Iehudah,  de  toy  me  sortira  celuy  qui  sera  dominateur  en  Israel:  et  son  yssue  est  des  le  commencement  des  iours  d'eternite.  Quant  aux  afflictions  qu'il  avoit  a  porter  pour  nostre  delivrance,  et  la  mort  qu'il  avoit  a  souffrir  pour  nostre  redemption,  Isaiah  et  Zachariah  en  ont  amplement  et  certainement  parle.  La  gloire  de  sa  resurrection,  et  la  qualite  de  son  regne,  et  la  grace  de  salut  qu'il  devoit  apporter  a  son  peuple,  ont  este  richement  traictees  par  Isaiah,  Ieremiah  et  Zachariah.  En  telles  promesses  annoncees  et  testifiees  par*  ces  sainctz  personnages  remplis  de  l'esperit  de  Dieu,*  se  sont  reposez  et  consolez  les  enfans  et  esleuz  de  Dieu.  Et  y  ont  nourry,  soubstenu  et  entretenu  leur  esperance,  attendans  que  le  vouloir  du  Seigneur  feust  de  exhiber  ce  qu'il  leur  promettoit.  Entre  lesquelz  plusieurs  Roys  et  Prophetes  ont  grandement  desire  d'en  veoir  l'accomplissement.  Combien  toutesfois  que  ce  pendant  ilz  ne  laissassent  pas  de  comprendre