9:797  797  PRAEFATIONES.  798  fioient.  La  loy  et  les  propheties  n'ont  pas  eu  autorite  envers  les  Iuifz  pour  les  conduire  en  la  droicte  voye.  Tous  ont  este  aveugles  a  la  lumiere,  sourdz  aux  admonitions,  endurcys  aux  commandemens.  Il  est  bien  vray  que  les  gentilz  estonnez  et  convaincuz  de  tant  de  biens  et  benefices  qu'ilz  veoyent  a.  l'oeil  ont  este  contreinctz  de  congnoistre  le  secret  bienfaicteur,  dont  tant  de  bonte  provenoit.  Mais  au  lieu  de  donner  la  gloire  au  vray  Dieu  qui  luy  estoit  deue,  ilz  se  sont  forge  ung  Dieu  a  leur  plaisir,  et  selon  que  leur  folle  phantasie  en  sa  vanite  et  mensonge  l'avoit  songe.  Et  non  seulement  ung:  mais  autant  que  leur  temeraire  oultrecuydance  en  a  peu  feindre  et  fondre,  en  telle  sorte  qu'il  n'y  avoit  peuple  ne  region  qui  ne  se  feist  nouveaulx  dieux,  comme  bon  leur  sembloit.  De  la  a  pris  son  regne  idolatrie  la  traistre  macquerelle,  qui  a  faict  destourner  les  hommes  de  Dieu,  et  amuser  a  ung  tas  de  simulachres:  ausquelz  eulx  mesmes  avoient  donne  forme,  nom  et  estre.  Touchant  des  Iuifz,  combien  qu'ilz  ayent  receu  et  accepte  les  messages  et  mandemens  que  le  seigneur  leur  envoyoit  par  ses  serviteurs:  toutesfois  incontinent  luy  ont  faulse  la  foy,  legierement  se  sont  destournez  de  luy,  ont  viole  et  mesprise  sa  loy,  laquelle  ilz  ont  eu  en  hayne,  et  ont  chemine  en  icelle  a  regret,  ilz  se  sont  estrangez  de  sa  maison,  et  ont  couru  dissolument  apres  les  autres  dieux,  idolatrant  a  la  maniere  gentile  contre  sa  volunte.  Parquoy  pour  approcher  les  hommes  de  Dieu  tant  Iuifz  que  gentilz,  il  estoit  mestier  que  une  nouvelle  alliance  feust  faicte,  certaine,  asseuree,  et  inviolable.  Et  pour  icelle  establir  et  confirmer,  estoit  besoing  d'ung  mediateur,  qui  intercedast  et  se  interposast  entre  les  deux  parties  pour  les  accorder,  sans  lequel  l'homme  demeuroit  tousiours  en  Pire  et  indignation  de  Dieu:  et  n'avoit  aucun  moyen  de  se  relever  de  la  malediction,  misere  et  confusion  en  laquelle  il  estoit  tresbuche.  C'estoit  nostre  seigneur  et  sauveur  Iesus  Christ  vray  et  seul  eternel  filz  de  Dieu:  lequel  devoit  estre  envoye  et  donne  aux  hommes  de  par  le  pere,  pour  estre  instaurateur  du  monde,  autrement  dissipe,  destruict  et  desole,  auquel  depuis  le  commencement  du  monde  a  tousiours  este  l'esperance  de  recouvrer  la  perte  faicte  en  Adam.  Car  mesme  a  Adam  incontinent  apres  sa  ruyne,  pour  le  consoler  et  reconforter  fut  donne  la  promesse,  que  par  la  semence  de  la  femme  seroit  brisee  la  teste  du  serpent.  Qui  estoit  a  dire  que  par  Iesus  Christ  nay  d'une  vierge,  la  puissance  de  Satan  seroit  abatue  et  rompue.  Depuis  icelle  promesse  fut  plus  amplement  retiones