9:795  795  PRAEFATIONES.  796  centre  de  la  terre,  pouvoient  estre  tesmoings  et  messagiers  de  sa  gloire  a  tous  hommes  :  pour  les  attirer  a  le  cercher,  et  apres  l'avoir  trouve,  luy  faire  recueil  et  hommaige,  selon  la  dignite  d'ung  seigneur  si  bon,  si  puissant,  si  sage,  et  eternel,  et  mesmes  avdoient  chascune  en  son  endroict  a  ceste  queste.  Car  les  oyseletz  chantans  chantoient  Dieu,  les  bestes  le  reclamoient,  les  elemens  le  redoubtoient,  les  montaignes  le  resonnoient,  les  fleuves  et  fontaines  luy  iettoient  oeillades,  les  herbes  et  fleurs  luy  rioyent.  Combien  que  veritablement  il  ne  feust  pas  mestier  de  le  cercher  fort  loing:  veu  que  chascun  le  pouvoit  trouver  en  soymesme,  en  tant  que  nous  sommes  tous  sustentez  et  conservez  de  sa  vertu  habitante  en  nous.  Ce  pendant  encore  pour  plus  amplement  manifester  sa  bonte  et  clemence  infinie  entre  les  hommes,  il  n'a  pas  este  content  de  les  instruire  tous  par  telz  enseignemens  que  avons  declaire:  mais  il  a  specialement  faict  entendre  sa  voix  a  ung  certain  peuple:  lequel  de  son  bon  vouloir  et  liberale  grace  il  a  esleu  et  choisy  entre  toutes  les  nations  de  la  terre.  Ce  sont  les  enfans  de  Israel,  ausquelz  par  sa  parolle  il  a  clairement  monstre  quel  il  estoit:  et  par  ses  oeuvres  merveilleuses  il  a  declaire  ce  qu'il  scavoit  faire.  Car  il  les  a  retirez  de  la  subiection  de  Pharaoh  Roy  de  Egypte  (soubz  laquelle  ilz  estoient  detenuz  et  opprimez)  pour  les  affranchir  et  mettre  en  liberte.  Il  les  a  accompaigne  nuict  et  iour  en  leur  suite,  estant  comme  fuitifz  l)  au  millieu  d'eulx.  Il  les  a  nourry  au  desert.  Il  les  a  faict  possesseurs  du  territoire  promis,  il  leur  a  donne  victoires  et  triumphes  entre  leurs  mains.  Et  comme  s'il  n'eust  rien  este  aux  autres  nations,  il  a  voulu  estre  expressement  nomme  Dieu  Disrael:  et  iceluy  estre  intitule  son  peuple.  Soubz  telle  convenance  que  telz  ne  recongnoistroient  iamais  d'autre  seigneur  et  ne  recevroient  autre  Dieu.  Et  telle  alliance  a  este  confirmee  et  passee  soubz  instrumens  autentiques,  du  testament  et  tesmoingnage  qui2)  leur  a  baille.  Neantmoins  les  hommes  sentans  tous  leur  mauldicte  rasse,  et  se  monstrans  vrays  heritiers  de  l'iniquite  de  leur  pere  Adam,  pour  telles  manieres  de  remonstrances  ne  se  sont  point  esmeuz:  et  n'ont  escoutte  la  doctrine,  par  laquelle  Dieu  les  advertissoit.  Les  creatures  esquelles  estoit  escrite  la  gloire  et  magnificence  de  Dieu,  n'ont  rien  profite  aux  gentilz,  pour  leur  faire  glorifier  celuy  duquel  elles  testi-  1)  fuitif.  1543.  Les  editions  plus  recentes  mettent:  fugitif.  2)  qu'il  1554  suiv.