9:793  793  PRAEFATIONES.  794  Adonc  Dieu  commencea  aussi  a  l'avoir  en  haine  :  et  (ainsi  que  bien  il  meritoit)  le  desadvouer  pour  son  oeuvre.  Yeu  que  son  image  et  semblance  en  estoit  effacee,  et  les  graces  de  sa  bonte  en  estoient  hors.  Et  comme  il  l'avoit  mys  et  ordonne  pour  se  delecter  et  complaire  en  luy,  comme  ung  pere  en  son  trescher  enfant:  au  contraire  il  l'eut  en  mespris  et  abomination,  tellement  que  tout  ce  qui  luy  plaisoit  paravant,  luy  a  despleu:  ce  qui  le  souloit  delecter,  Va  irrite:  ce  qu'il  souloit  contempler  de  bening  et  paternel  regard,  il  s'est  pris  a  le  detester  et  veoir  a  regret.  Bref  l'homme  tout  entier  avec  ses  appartenances,  sesfaictz,  ses  pensees,  ses  parolles,  sa  vie,  ont  totalement  despleu  a  Dieu,  comme  s'il  eust  este  son  ennemy  special  et  adversaire,  iusques  a  dire  qu'il  se  repentoit  de  l'avoir  faict.  Apres  avoir  este  deiecte  en  telle  confusion,  il  a  este  second  en  sa  mauidicte  semence,  pour  engendrer  generation  semblable  a  luy,  c'est  a  dire  vitieuse,  perverse,  corrompue,  vuyde  et  desproveue  de  tout  bien,  riche  et  abondante  en  mal.  Toutessois  le  seigneur  de  misericorde  (qui  ne  ayme  pas  seulement:  mais  luy  mesme  est  amour  et  charite)  voulant  encore  par  sa  bonte  infinie  aymer  ce  qui  n'est  digne  d'aymer,  n'a  pas  du  tout  dissipe,  perdu  et  abysme  les  homes,  comme  leur  iniquite  le  requeroit  :  mais  les  a  soubstenu  et  supporte  en  doulceur  et  patience,  leur  donnant  terme  et  loysir  de  se  retourner  a  luy,  et  se  radresser  en  l'obeissance,  1)  de  laquelle  ilz  s'estoient  destournez.  Et  combien  qu'il  digisimulast  et  se  teust  (comme  s'il  se  eust  voulu  cacher  d'eulx)  les  laissant  aller  apres  les  desirs  et  souhaictz  de  leur  concupiscence,  sans  loix,  sans  regime,  sans  correction  quelconque  de  sa  parolle:  neantmoins  il  leur  a  baille  assez  d'advertissemens  qui  les  devoient  inciter  a  le  cercher,  taster,  et  trouver  pour  le  congnoistre,  et  honnorer  comme  il  appartenoit.  Car  il  a  esleve  par  tout,  en  tous  lieux,  et  en  toutes  choses,  ses  enseignes  et  armoiries,  voire  soubz  blasons  de  si  claire  intelligence,  quil  n'y  avoit  celuy  qui  peult  pretendre  ignorance  de  ne  congnoistre  ung  si  souverain  seigneur  :  qui  avoit  si  amplement  exalte  sa  magnificence.  C'est  quand  en  toutes  les  parties  du  monde,  au  ciel,  et  en  la  terre,  il  a  escrit  et  quasi  engrave  la  gloire  de  sa  puissance,  bonte,  sapience,  et  eternite.  Sainct  Paul  donc  a  dit  bien  T  ray,  que  le  seigneur  ne  se  estoit  iamais  laisse  sans  tesmoingnage:  mesme  envers  ceulx  ausquelz  il  n'a  envoye  aucune  congnoissance  de  sa  parolle.  Veu  que  toutes  les  creatures  despuis  le  firmament  iusque  au  1)  Toutes  ies  edd.  posteneures  ont:  a  l'obeissance.