9:791  791  A  TOUS  AMATEURS  DE  IESUS  CHRIST  ET  DE  SON  EVANGILE,  SALUT.  *)  Dieu  lo  createur  tresparfaict  et  excellent  ouvrier  de  toutes  choses,  encore  par  dessus  ses  aultres  creatures,  esquelles  il  se  estoit  desia  monstre  plus  que  admirable,  avoit  faict  l'homme  comme  ung  chef  d'oeuvre  :  auquel  on  peust  contempler  une  singuliere  excellence.  Car  il  l'avoit  forme  a  son  image  et  semblance,  tellement  que  la  lumiere  de  sa  gloire  reluysoit  clairement  en  luy.  Or  ce  qui  le  pouvoit  faire  consister  en  cest  estat  ou  il  avoit  este  constitue  :  c'estoit  que  en  humilite  il  se  abaissast  tousiours  devant  la  maieste  de  Dieu,  la  magnifiant  avec  action  de  graces:  et  que  en  soy  il  ne  cerchast  pas  sa  gloire  :  mais  voyant  que  tout  estoit  yssu  d'en  hault,  il  regardast  aussi  tousiours  en  hault  pour  en  glorifier  ung  seul  Dieu,  auquel  la  louenge  en  appartenoit.  Mais  le  malheureux  voulant  estre  quelque  chose  en  soy  mesme,  incontinent  commencea  a  oublier  et  mescongnoistre  dont2)  le  bien  luy  venoit:  et  par  oultrageuse  ingratitude  entreprit  de  se  eslever  et  enorgueiliir  contre  son  facteur,  et  aucteur  de  toutes  ses  graces.  A  ceste  cause  il  tresbucha  en  ruyne,  il  perdit  toute  la  dignite  et  excellence  de  sa  premiere  creation,  il  feut  despouille  et  desnue  de  toute  sa  gloire,  il  feut  aliene  des  dons  qui  avoient  este  mis  en  luy:  pour  le  confondre  en  son  orgueil,  et  luy  faire  aprendre8)  ce  qu'il  n'avoit  voulu  entendre  de  bon  vouloir.  C'est  ascavoir  qu'il  n'estoit  que  vanite:  et  n'avoit  iamais  este  autre  chose,  sinon  d'autant  que  le  seigneur  de  vertu  luy  avoit  assiste.  1)  Dans  les  Bibles  et  Nouveaux  Testaments  imprimes  a  Geneve  et  ailleurs,  ou  cette  pre'f  ace  est  reprodwte,  elle  porte  ie  titre:  Epistre  aux  fideles  monstrant  comment  (que)  Christ  est  la  fin  de  la  Loy.  2)  d'ou  1562  etc.  3)  Toutes  les  editions  posterieures,  a  partir  de  1543,  ajoutent:  par  force.