8:79  79  BE  SCANDALIS.  80  scriptura  absque  provocatione  iudicet:  ius  iliud  qualecunque  est  ad  se  mox  rapiunt.  Nos  vero  quaenam  vera  sit  ecclesia,  quia  hic  falli  tam  proclive  quam  periculosum  est,  diiudicari  volumus.  Certe  novum  non  est,  qui  pastorum  loco  praesunt,  eos  crudeles  interdum  esse  lupos:  impios  esse  et  perfidos  Dei  et  ecclesiae  proditores,  quorum  in  manu  ordinaria  est  potestas.  Quid  est  igitur,  cur  nos  inanes  larvae  terreant,  quominus  excutiamus,  ut  decet,  an  vere  sit,  quae  dicitur  ecclesia?  Paulus  columnam  veritatis  ecclesiam  esse  pronunciat  (1  Tim.  3,  15):  sed  idem  et  orbis  iam  conversi  defectionem,  et  Antichristi  in  medio  [pag.  103]  Dei  templo1)  regnum  praedicit  (2  Thes.  2,  4).  Satis  notum  est,  eadem,  quibus  hodie  exercemur,  certamina  illum  sustinuisse,  quum  Iudaei  ecclesiae  nomine  superbientes  eum  et  apostatam  esse  clamarent,  et  schismatum  ac  turbarum  autorem.2)  Continua  successione  ab  ipsis  usque  apostolis  se  ortos  esse  iactant:  nempe  quemadmodum  Valerio  Publicolae  et  Lucio  Bruto  Caligula  et  Nero  successerunt.3)  Sic  enim  apostolis  se  conferunt,  ac  si  non  interpositum  esset  immensum  dissidii  chaos,  quod  nexus  quosvis,  si  qui  essent,  abrumperet.  Quia  nobis  adversa  est  cleri  papalis  colluvies,  non  minus  eo  nos  praeiudicio  gravari  volunt,  quam  si  nos  ex  coelo  angeli  damnarent.  Eodem  scilicet  fastu  olim  Christum  repudiabant  scribae,  quia  nemo  ex  principibus  aut  Pharisaeis  in  eum  credidisset.  Et  illos  quidem,  quum  pro  sua  tyrannide  pertinaciter  ad  extremum  usque  certare  propositum  sit,  et  veris  rationibus  sint  destituti,  inanes  crepare  sonitus  4)  mirum  non  est.  Sed  omnes,  quibus  falso  arreptum  ecclesiae  nomen  scandalo  est,  rogatos  velim,  ut  aures  aliquando  et  oculos  aperire  sustineant:  ne  fallax  corporis  simulacrum  eos  a  capite  avellat:  ne  meretrix  sponsae  ornatu  fucata  sponsum  illis  Christum  auferat.  Quas  enim,  obsecro,  notas  habent  unde  in  tota  Antichristi  romani  cohorte  agnoscant  Christi  ecclesiam?  Nisi  forte  dum  papam  albatum  et  proiectam  ad  eius  pedes  crucem  vident,  cardinales  purpureos,  episcopos  mitra  et  lituo  conspicuos,  et  reliquam  minorem  turbam  suis  quoque  insignibus  distinctam,  his  pignoribus  contenti,  non  aliam  desiderant  ecclesiam,  nisi  quae  in  ludicris  pompis  **)  apparet.  Quid  enim  aliud  ne-  1)  Add.  non  pas  en  un  deseit.  2)  Add.  iUnsi  on  ne  nous  peut  rien  reprocher  en  quoy  sainct  Paul  ne  soit  de  nostre  rang.  3)  voire  comme  les  pires  tyrans  et  les  plus  cruels  qui  furent  iamais  ont  succede  aux  gouverneurs  des  Republiques  qui  avoient  maintenu  la  liberte.  N'ont-ils  point  de  honte  de  s'accomparer  aux  Apostres  comme  s'ils  avoyent  rien  de  semblable  avec  eux?  4)  leurs  gros  mots  d'Eglise  et  de  siege  Apostolique  et  des  Peres  et  de  l'union  catholique.  5)  tel  badinage  qui  semble  estre  fait  pour  iouer  une  farce.