7:79  79  BRIEVE  INSTRUCTION  80  instruictz,  qu'il  ne  leur  a  pas  commande  de  iecter  les  armes  bas,  et  renoncer  a  leur  estat:  mais  seulement  les  a  admonneste  d'estre  contens  de  leurs  gages,  ne  piller  et  ne  vexer  personne,  mais  s'abstenir  de  tout  malefice  (Luc  3,  14).  Sainct  Pierre  baptise  Corneille  qui  estoit  Centenier,  c'est  a  dire  Capitaine  de  bande  (Act.  10,  47  ss.):  et  toutesioys  il  ne  luy  commande  pas  de  laisser  son  train,  comme  du  tout  meschant.  Qui  plus  est,  ayant  receu  le  sainct  Esprit  visiblement,  il  ne  laisse  pas  pourtant  le  train  des  armes.  Pour  conclurre  ce  propos,  [page  62]  si  nous  voulons  tenir  bon  moyen  a  reprendre  ce  qu'il  y  a  de  mal  et  de  vice  -aux  armes,  ne  condamnons  pas  simplement  le  port  d'armes,  qui  se  faict  en  l'authorite  du  Prince,  pour  la  defense  du  pais:  quand  le  Prince  n'a  autre  regard  qu'au  bien  commun  de  son  pais,  et  que  les  subiectz  de  leur  coste  n'ont  autre  consideration  que  de  s'acquiter  de  leur  devoir;  mais  reprenons  les  meschantes  cupidites  qui  sont  causes  de  susciter  les  guerres:  reprenons  les  cruautes,  voleries,  rapines,  violences,  extorsions,  et  autres  telles  insolences  qui  s'y  commettent.  De  mesler  le  bon  avec  le  mauvais  pour  condamner  tout  ensemble  sans  discretion,  il  n'y  a  nul  propos.  Le  cinquiesme  article  est  des  pasteurs,  en  quoy  ilz  se  sont  aucunement  ravisez.  Car  ilz  estoyent  au  paravant  en  ceste  resverie,  que  c'estoit  contre  Dieu  qu'un  pasteur  fust  depute  a  certain  Heu:  mais  vouloyent  que  tous  ceux  qui  seroyent  en  l'estat  courussent  d'un  coste  a  l'autre,  contrefaisans  les  Apostres  comme  singes,  et  non  pas  comme  vrays  imitateurs.  Mais  ie  pense  bien  qu'ilz  faisoyent  cela  pour  la  bonne  devotion1)  qu'ilz  avoyent  que  les  ministres  qui  enseignent  fidelement  leur  laissassent  la  place  vuide  a  fin  de  pouvoir  espandre  leur  poison  [page  63]  par  tout.  Or  maintenant,  soit  qu'ilz  recongnoissent  leur  erreur,  ou  bien  qu'ilz  se  donnent  plus  de  privilege  qu'ilz  ne  veulent  ottroyer  aux  autres,  nous  sommes  de  bon  accord  avec  eux,  que  nulle  Eglise  ne  se  peut  entretenir  en  son  estat  sans  ministre:  et  pourtant  qu'il  en  faut  ordonner  par  toutes  les  congregations,  moyennant  qu'ilz  recongnoissent  consequemment,  que  par  tout  ou  il  y  a  ministre  deuement  constitue,  et  qui  exerce  fidelement  son  office,  quiconque  veut  estre  tenu  pour  Chrestien,  doit  adherer  a  luy,  et  user  de  son  ministere,  avec  le  reste  du  trouppeau.  Or  que  font-ilz?  Pource  que  nous  ne  voulons  complaire  a  leurs  erreurs,  combien  que  nous  portions  la  parolle  de  Iesus  Christ  purement,  nous  leur  1)  Haec  porro  philosophia  inde  manabat  quod  serio  cuperent  etc.