58:79  79  CINQUIEME  SERMON  80  comme  a  este  Esau:  car  voila  qui  est  cause  de  nous  faire  quitter  l'esperance  du  salut  que  Dieu  nous  a  donne,  quand  nous  sommes  ainsi  enveloppez  en  nos  sens  et  en  nos  appetis  charnels,  il  est  certain  que  nous  sommes  degoustez  de  ce  qui  appartient  au  salut  de  nos  ames,  cela  ne  nous  est  de  nulle  saveur,  qu'il  n'y  a  ne  Parole  de  Dieu,  ne  promesse,  ne  rien  qui  soit  queanous  ne  vilipendions,  quand  nous  sommes  ainsi  profanes.  Or  donc,  avisons  bien  quand  nous  sommes  solicitez  de  quelque  appetit,  de  penser,  Or  ca,  Dieu  ne  nous  a  pas  mis  en  ce  monde  pour  perir,  comme  les  asnes  et  les  chevaux:  il  nous  a  donne  une  ame,  ou  il  a  imprime  son  image.  Ainsi  donc,  il  nous  faut  tousiours  tendre  et  aspirer  a  ceste  immortalite  celeste,  et  mesme  nous  efforcer  de  combatre  contre  toutes  nos  affections,  et  n'estre  point  tellement  retenus  ici  bas,  que  nous  ne  taschions  tousiours  a  rompre  et  a  dissoudre  les  liens  qui  nous  retardent,  que  nous  ne  venions  droit  a  Dieu.  Voila  donc  ce  que  nous  avons  ici  a  noter.  Que  nous  ne  ressemblions  point  a  Esau,  disant,  Ie  m'en  vay  mourir,  et  dequoy  me  servira  ma  primogeniture?  Comment?  Faut  il  que  nous  facions  un  tel  deshonneur  a  la  noblesse  et  dignite  que  Dieu  a  mise  en  nous,  quand  il  nous  a  donne  nos  ames  immortelles:  que  nous  disions,  Ce  n'est  qu'en  ce  monde  que  nous  sommes,  et  nostre  vray  estre  est  la  haut,  et  cependant  que  nous  soions  ici  envelopez  et  arrestez?  Ainsi  donc,  quand  nous  devrions  perir  cent  fois,  que  nous  sachions  que  Dieu  nous  reserve  une  meilleure  vie,  et  que  c'est  la  qu'il  nous  faut  attendre  nostre  souverain  bien  :  et  que  si  nous  avons  faute  et  disette  des  biens  caduques  qui  sont  pour  nous  entretenir  ici  bas,  que  nous  portions  cela  patiemment,  et  que  nous  regardions  tousiours,  Si  ie  meur,  ce  n'est  pas  a  dire  que  ie  perisse,  ou  que  ie  soye  du  tout  esteint  ou  aboli:  car  ce  n'est  qu'un  passage  que  la  mort  pour  aller  d'une  vie  a  l'autre.  Il  faut  donc  que  nous  tendions  la.  Et  c'est  en  somme  ce  que  nous  avons  a  observer.  Or  quoy  qu'il  en  soit,  nous  voions  comme  Dieu  a  descouvert  la  brutalite  d'Esau,  et  a  monstre  qu'il  estoit  desia  delaisse  de  lui,  et  qu'il  n'estoit  point  gouverne  par  son  saint  Esprit:  comme  les  plus  sages  de  ce  monde,  encores  qu'il  semble  qu'ils  transpercent  les  nues,  sont  tellement  hebetez,  qu'ils  ne  regardent  sinon  a  ce  qui  leur  est  present,  et  s'adonneront  la  du  tout.  Nous  verrons  donc  les  plus  aigus,  et  ceux  qu'on  magnifie  tant,  qui  ne  regarderont  sinon  de  bastir  leurs  maisons.  Or  ie  ne  di  pas  seulement  d'edifier  de  grans  palais  :  mais  d'acquerir  de  grans  revenus  pour  leurs  enfans,  de  se  faire  valoir  et  d'avoir  de  grans  estats,  de  vivre  a  leur  aise,  d'estre  crains  et  redoutez,  et  que  tout  le  monde  soit  contraint  de  passer  par  leurs  mains:  voire,  et  cependant,  de  Dieu  il  ne  leur  en  souvient  guere:  et  le  mescognoissent,  en  sorte