54:79  79  SERMON  VII  80  comme  dit  le  Prophete  Isaie:  car  c'est  a  ce  propos  qu'il  parle:  il  fait  comparaison  de  nostre  fragilite,  que  nous  ne  sommes  que  fleur  et  verdure  pour  estre  incontinent  flestris:  mais  la  verite  de  Dieu  est  permanente,  dit-iL  Voila,  ou  il  nous  faut  revenir  pour  repousser  toutes  les  obiections  de  ceux  qui  ne  demandent  sinon  a  diffamer  l'Evangile.  Et  cependant  apprenons  de  condamner  les  hommes  en  iustifiant  Dieu.  Car  autrement  que  sera-ce?  Or  i'appelle  iustifier  Dieu,  comme  l'Escriture  en  parle,  c'est  de  luy  attribuer  la  louange  qu'il  merite:  que  nous  cognoissions,  qu'encores  que  les  hommes  corrompent  la  doctrine,  qu'elle  n'est  point  pourtant  pire,  et  que  ce  n'est  point  pour  luy  amoindrir  son  authorite:  car  il  ne  faut  point  qu'elle  emprunte  rien  d'ailleurs,  elle  consiste  en  soy.  Donnons  donc  gloire  a  Dieu  quand  nous  verrons  que  tout  le  monde  se  trouble:  comme  il  est  dit  au  huitieme  chapitre  d'Isaie,  si  nous  voyons  que  les  incredules  se  mutinent  et  se  troublent,  si  nous  voyons  que  les  meschans  s'elevent  contre  Dieu,  que  nous  ne  soyons  point  espouvantez  pour  cela,  mais  iustifions  le  Seigneur  des  armees,  c'est  a  dire,  que  nous  luy  reservions  ce  qui  luy  est  deu,  cognoissans  que  tous  ceux  qui  s'eleveront  contre  luy,  demeureront  en  la  fin  confus,  et  ne  pourront  luy  apporter  aucun  preiudice.  Or  cela  se  doit  estendre  encores  plus  loin.  Car  nous  ne  pouvons  pas  sanctifier  Dieu  qu'en  approuvant  la  doctrine  qui  est  venue  de  luy.  Comme  il  a  falu  que  les  fideles  reteinssent  tousiours  ceste  ferme  persuasion,  que  sainct  Paul  estoit  Apostre  de  Iesus  Christ,  combien  qu'ils  le  veissent  estre  ainsi  condamne:  autant  nous  en  faut-il  faire.  Voyonsnous  des  contempteurs  qui  se  desbauchent,  les  uns  par  despit,  les  autres  qui  se  faschent  d'avoir  les  aureilles  trop  rompues  du  nom  de  Iesus  Christ:  les  voyons-nous  (di-ie)  estre  apostats?  Ne  laissons  point  de  tousiours  honorer  la  doctrine  que  nous  avons  cognue  estre  bonne  et  saincte,  et  d'honorer  ceux  qui  la  portent,  combien  qu'ils  soyent  ainsi  desprisez,  combien  que  tout  le  monde  les  reiette.  C'est  ce  que  nous  avons  a  retenir  de  ce  passage.  Au  reste,  notons  bien  que  ce  n'est  point  sans  cause  que  sainct  Paul  a  ici  nomme  Phygele  et  Hermogene.  Il  n'y  a  nulle  doute  que  ces  deux-ci  n'ayent  este  de  grand  renom,  et  qu'on  ne  les  reputast  estre  comme  des  piliers  de  la  foy,  mais  cependant  sainct  Paul  les  degrade,  et  notamment  il  les  marque  au  doigt,  afin  qu'on  n'en  soit  point  scandalize.  Et  en  cela  il  monstre  qu'il  n'y  a  nulle  grandeur  humaine  qui  doyve  obscurcir  la  maieste  de  Dieu,  ne  la  reverence  que  nous  devons  a  sa  parole.  Quand  donc  nous  verrons  tout  un  pays  se  revolter,  disons,  Dieu  est  suffisant  luy  seul  pour  maintenir  sa  verite.  Quand  nous  verrons  des  personnages  d'estime  et  de  renom  defaillir,  cognoissons