51:79  79  SERMONS  80  ceux  qu'il  a  gagnez  a  Iesus  Christ  par  l'Evangile  sont  sa  couronne.  Et  tous  serviteurs  de  Dieu  en  peuvent  dire  autant:  mais  tant  y  a  que  ce  n'est  point  en  faisant  partage  avec  Dieu,  comme  ceux  qui  allegueront  leurs  vertus  et  merites,  il  est  certain  que  ceux-la  se  font  comme  des  idoles.  Mais  les  fideles  apres  avoir  confesse  qu'ils  ne  sont  rien  du  tout,  sinon  par  la  bonte  gratuite  de  Dieu,  se  glorifient  en  ce  qu'il  leur  a  donne,  luy  reservant  tousiours  ce  qui  luy  est  deu.  Quand  donc  nous  ne  voudrons  rien  avoir  de  separe  d'avec  Dieu:  mais  que  nous  dependrons  de  luy  et  de  sa  pure  grace,  voila  comme  nous  aurons  louange,  voire  en  nous  (dit  sainct  Paul)  et  non  point  en  autrui.  Or  quand  il  dit  seulement  en  nous,  ce  n'est  pas  a  dire  que  la  louange  y  reside,  et  que  nous  ne  soyons  pecheurs  :  mais  il  regarde  ce  que  nous  avons  desia  declare,  c'est  a  scavoir  que  cependant  on  s'arreste  a  faire  comparaison  de  l'un  a  l'autre,  qu'un  chacun  s'abuse.  Car  il  nous  semblera  que  nous  sommes  des  petis  anges  :  et  cependant  nous  ne  serons  gueres  meilleurs  que  diables.  Et  pourquoy?  Car  nous  ressemblons  a  ceux  qui  sont  du  tout  malins  et  corrompus.  Or  si  ceste  admonition  a  iamais  este  necessaire,  auiourd'huy  elle  l'est.  Car  combien  desia  du  temps  de  sainct  Paul  il  y  eust  beaucoup  de  corruptions,  si  est-ce  qu'auiourd'hui  on  est  venu  iusques  au  comble.  Et  de  faict,  il  semble  que  tous  estats  ayent  conspire  a  l'encontre  de  Dieu.  Nous  verrons  donc  le  monde  desborde  comme  en  rage  furieuse  pour  faire  la  guerre  contre  toute  equite  et  droiture.  En  telle  confusion  nous  ne  laisserons  pas  toutesfois  de  nous  endormir.  Et  pourquoy?  Chacun  fait  ainsi.  Et  voila  Dieu  qui  est  comme  recule.  Et  pensons  nous  que  par  nos  iniquitez  nous  le  deboutions  de  son  siege,  et  qu'il  soit  despouille  de  l'authorite  qui  luy  appartient  de  iuger  tout  le  monde.  Car  il  faut  tous  comparaistre  devant  luy  sans  exception:  et  la  nous  ne  pourrons  pas  comploter  pour  dire,  Tenez  bon,  car  nous  sommes  une  trop  grande  multitude.  Dieu  d'un  seul  souffle  peut  abysmer  une  centaine  de  mondes.  Puis  qu'ainsi  est,  prattiquons  ce  qui  est  dit  ici  par  sainct  Paul,  et  que  chacun  face  bon  guet  sur  soy.  Et  quand  nous  verrons  les  blasphemes  avoir  la  vogue,  les  paillardises  et  autres  dissolutions,  les  yvrongneries  et  gourmandises,  les  pillages,  les  periures,  les  trahisons,  les  envies,  et  choses  semblables,  que  nous  souspirions  :  et  cependant  que  nous  ne  pensions  pas  que  si  les  espines  entre  lesquelles  nous  cheminons  nous  ont  esgrattigne,  que  par  cela  nous  soyons  quittes:  ou  bien  quand  nous  aurons  mis  en  avant  les  autres  estre  cause  de  nous  avoir  mis  en  mauvais  train,  et  de  faict  que  nous  aurons  este  transportez  comme  d'un  tourbillon,  ne  pensons  pas  que  tout  cela  nous  profite,  mais  suyvons  la  parole  de