50:79  79  EPIST.  PAULI  AD  CORINTHIOS  II  80  Tanquam  impostores.  Hic  non  tantum  narrat  qualis  esset  impiorum  et  extraneorum  de  se  existimatio,  sed  quid  etiam  domestici  sentirent.  Nunc  secum  quisque  reputet  quam  indigna  fuerit  Corinthiorum  ingratitudo:  et  quanta  animi  magnitudo  fuerit,  per  tam  ardua  obstacula  eluctari.  Obliquis  tamen  figuris  perversum  eorum  iudicium  acriter  perstringit,  quum  dicit  se  vivere  et  laetari,  quum  instar  mortui  et  moerore  afflicti  eum  spernerent.  Ingratitudinem  etiam  exprobrat,  quum  dicit  se  multos  ditare,  quum  inopiae  nomine  contemneretur.  Erant  enim  ex  eorum  numero,  quos  ditabat  suis  opibus:  imo  omnes  ad  unum  multis  nominibus  ei  obstricti  erant  Sic  prius  ironice  dixit  se  ignotum,  quum  tamen  fructus  laborum  eius  ubique  notus  et  illustris  esset.  Porro  quam  inhumanum  est  eius  paupertatem  contemnere,  qui  tibi  ex  sua  abundantia  suppeditet?  divitias  spirituales  intelligit,  quae  longe  pluris  fieri  debebant  quam  terrenae.  11.  Os  nostrum  apertum  est  ad  vos,  o  Corinthii:  cor  nostrum  dilatatum  est.  12.  Non  estis  angusti  in  nobis,  sed  angusti  estis  in  visceribus  vestris.  13.  Eandem  vero  remunerationem,  ut  a  filiis  exigo:  dilatemini  et  vos.  14.  Ne  ducatis  iugum  cum  infidelibus.  Quae  enim  participatio  iustitiae  cum  iniquitate?  quae  communicatio  luci  cum  tenebris?  15.  Quis  consensus  Christo  cum  Belial?  aut  quae  portio  fideli  cum  infideli?  16.  Quae  autem  conventio  templo  Dei  cum  idolis?  vos  enim  estis  templum  Dei  viventis:  quemadmodum  dicit  Deus:  Habitabo  in  ipsis,  et  in  medio  eorum  ambulabo  :  et  ero  Deus  illorum,  et  erunt  mihi  populus.  17.  Quamobrem  exite  de  medio  eorum  et  separamini,  dicit  Dominus,  et  immundum  ne  tetigeritis:  18.  et  ego  suscipiam  vos,  et  ero  vobis  in  patrem,  et  eritis  mihi  in  filios  et  filias,  dicit  Dominus  omnipotens.  CAPUT  VU.  Has  igitur  promissiones  quum  habeamus,  dilecti,  mundemus  nos  ab  omni  iquinamento  carnis  et  spiritus,  sanctificationem  perficientes  in  timore  Dei.  l  l  .  Os  nostrum  apertum  est.  Quoniam  oris  apertio  signum  est  fiduciae:  si  connectere  superioribus  haec  libet,  sensus  erit:  mihi  ampla  gloriandi  materia  suppetit,  atque  os  mihi  aperit  recta  conscientia.  Quod  autem  maligne  de  nobis  sentitis,  id  non  accidit  nostra  culpa,  sed  quia  non  estis  aequi  iudices.  Liberalius  enim  debueratis  sentire  de  meo  ministerio,  quod  Deus  tot  modis  honorabile  vobis  reddidit.  Ego  tamen  aliter  interpretor.  Ideo  enim  os  sibi  apertum  esse  dicit,  quia  cor  habeat  dilatatum.  Quid  autem  sibi  vult  cordis  latitudo?  certe  alacritatem  significat,  quae  ex  benevolentia  procedit.  Trita  est