45:79  79  HARMONIA  EVANGELICA  80  lutem  ab  eo  sperare,  qui  pro  sua  egestate  et  inopia  in  stabulum  reiicitur?  Scribit  tamen  Lucas,  nihil  horum  pastoribus  obstitisse,  quin  Deum  cum  admiratione  laudarent:  nempe  quia  Dei  claritas  penitus  defixa  erat  in  eorum  oculis,  et  verbi  reverentia  eorum  animis  infixa,  quidquid  in  Christo  inglorium  et  contemptibile  occurrit  fidei  suae  altitudine  facile  transcendunt.  Nec  alia  sane  causa  est,  cur  fidem  nostram  minima  quaeque  scandala  vel  remorentur,  vel  a  recto  cursu  avertant,  nisi  quia  in  Deum  minus  intenti  facile  huc  et  illuc  agitemur.  Nam  una  haec  cogitatio  si  sensus  omnes  nostros  occuparet,  habere  nos  certum  ac  fidele  e  coelo  testimonium,  satis  firma  nobis  et  stabilis  fultura  esset  contra  omne  tentationum  genus,  et  satis  probe  nos  contra  quaevis  offendicula  muniret.  17.  Divulgaverunt  de  verbo.  Fidem  pastorum  commendat  Lucas,  eo  quod  sincere  per  manus  tradiderint  aliis,  quod  a  Domino  acceperant:  idque  testatum  esse  nostra  omnium  causa  utile  erat,  ut  in  fide  nostra  confirmanda  quasi  secundarii  sint  angeli.  Rursum  docet  Lucas,  non  sine  profectu  eos  vulgasse  quod  audierant.  Nec  vero  dubium  est,  quin  efficaciam  Dominus  eorum  sermoni  dederit,  ne  ludibrio  esset  vel  sperneretur:  nam  et  hominum  conditio  fidem  elevabat,  et  res  ipsa  videri  poterat  fabulosa.  Verum  Dominus,  quas  illis  iniunxit  partes,  irritas  esse  non  patitur.  Quamvis  autem  humano  ingenio  minus  arrideat  haec  agendi  ratio,  quod  Dominus  per  homines  infirmos  verbum  suum  vult  audiri,  quia  tamen  tum  ad  humiliandam  carnis  superbiam,  tum  ad  probandum  fidei  obsequium  apposita  est,  Deo  ipsi  probatur.  Quod  autem  mirantur  omnes,  nemo  autem  pedem  movet,  ut  ad  Christum  accedat,  hinc  colligere  licet,  audita  Dei  virtute  fuisse  perculsos  absque  serio  cordis  affectu.  Quare  non  tam  in  eorum  salutem  vulgatus  fuit  hic  sermo,  quam  ut  totius  populi  inexcusabilis  esset  ignorantia.  19.  Maria  servabat  Mariae  sedulitas  in  considerandis  Dei  opieribus  duas  ob  causas  nobis  proponitur:  primum  ut  sciamus,  depositam  fuisse  in  eius  corde  huius  thesauri  custodiam,  ut  quod  ipsa  apud  se  repositum  habebat  aliis  suo  tempore  publicaret:  deinde,  ut  habeant  omnes  pii  quod  imitentur  exemplum.  Nam  si  sapimus,  haec  praecipua  vitae  nostrae  occupatio  esse  debet  summumque  studium,  ut  ad  reputanda  Dei  opera,  quae  fidem  nostram  aedificant,  simus  attenti.  Porro  conservandi  verbum  ad  memoriam  refertur:  aojipaAAstv  autem  vel  conferre  significat,  singula  colligendo,  quae  inter  se  ad  probandam  Christi  gloriam  congruebant,  unum  veluti  corpus  efficere.  Neque  enim  prudenter  expendere  potuit  Maria,  quid  omnia  simul  valerent,  nisi  alia  aliis  conferendo.  20.  Glorificantes  ac  laudantes  Deum.  Pertinet  hoc  quoque  ad  communem  fidei  nostrae  usum,  quod