42:79  79  SERMON  XL.  80  de  Dieu,  qu'il  y  aura  des  hypocrites  qui  se  viendront  mettre  la,  voire,  et  feront  semblant  d'estre  des  plus  avances,  mais  quoy?  il  est  dit,  que  ce  sont  gens  pleins  de  fallace,  qu'il  n'y  ha  qu'hipocrisie,  que  legierete,  et  nulle  tenue:  ainsi  donc  que  ceux  qui  se  mocquent  pleinement  de  Dieu,  et  qui  sous  umbre  de  l'Evangile  menent  une  vie  infernalle,  que  ceux-la  se  vantent  tant  qu'ils  voudront  estre  des  grands  supposts  de  l'Eglise  chrestienne,  mais  nous  avons  le  tesmoignage  qui  nous  est  ici  donne  par  le  iuge  celeste.  Or  ceci  est  bien  digne  d'estre  note,  car  nous  voions  la  folle  vantance  qui  est  en  beaucoup,  o  nous  avons  fait  ceci  et  cela  !  il  semble  qu'ils  portent  le  ciel  sur  leurs  espaulles.  Il  est  vray  que  quand  on  regarde  ce  qu'ils  ont  fait,  ce  n'est  que  mocquerie,  ce  sont  canailles  qui  ne  remuerent  iamais  un  doigt  pour  servir  a  Dieu,  mais  si  est-ce  qu'il  n'est  question  que  de  blasonner  leurs  armes,  comme  s'ils  avoient  fait  regner  Dieu  par  leurs  vertus:  or  bien,  qu'ils  aient  fait  plus  beaucoup  qu'ils  ne  disent,  et  dont  il  n'est  rien,  si  est-ce  que  quand  ils  monstrent  qu'ils  ne  demandent  qu'a  troubler  tout,  qu'a  mettre  des  zizanies  au  peuple  de  Dieu,  qu'ils  diffament  l'Evangile  par  leur  vie  meschante,  quand  on  ies  voit  doubles  et  hipocrites,  voire  qu'on  les  voit  blasphemateurs  de  Dieu  tout  ouvertement,  qu'on  voit  qu'il  n'y  ha  que  toute  ordure  et  infection,  ie  vous  prie,  qu'est-ce  qu'on  en  doit  iuger?  et  leur  vie  le  monstre  asses  d'elle  mesme.  Ainsi  donc  que  ceux-la  apprennent  doresnavant  de  fermer  la  bouche,  et  ne  se  plus  vanter  de  rien,  mais  qu'ils  connoissent  qu'ils  ont  abuse  mechamment  du  nom  de  Dieu,  comme  faussaires  qu'ils  sont  et  desloiaux,  et  s'ils  veulent  qu'on  les  repute  du  nombre  des  chrestiens,  qu'ils  deviennent  meilleurs,  qu'ils  se  changent  du  tout,  et  qu'ils  soient  refondus.  De  nostre  coste  nous  en  avons  a  nous  confermer,  et  bien,  nous  verrons  des  meschans  qui  ne  demandent  que  de  mettre  tout  en  confusion,  nous  verrons  qu'ils  troublent  l'Eglise  d'un  coste,  nous  verrons  qu'ils  sont  en  diffame  en  l'Evangile,  cela  est  bien  dur,  mais  quoy?  puis  que  la  condition  de  l'Eglise  ha  este  tousiours  telle,  et  qu'il  faut  qu'elle  soit  encores,  faut-il  que  nous  perdions  patience?  que  nous-nous  laissions  vaincre,  et  que  Sathan  ait  la  victoire  par  dessus  nous?  Nenni  non,  mais  portons  cela  patiemment,  et  cependant  (comme  i'ai  dit)  que  nous  usions  des  remedes  que  Dieu  nous  donne,  que  nous  taschions  a  nettoier  l'Eglise  de  toute  pollution  en  attendant  que  Dieu  mette  la  main,  pour  reduire  les  choses  en  autre  estat  qu'elles  ne  sont,  et  que  la  paille  soit  separee  du  bon  grain.  Or  il  y  en  ha  encores  d'autres  qui  se  ioignent  aux  enfans  de  Dieu  par  feintise,  et  par  fallace,  comme  ceux  qui  veulent  faire  auiourd'huy  des  bons  moienneurs,  car  il  y  en  ha  eu  qui  ont