39:79  79  PRAELECTIONES  80  illam  exureret,  hoc  signum  fuit  horribilis  Dei  vindictae.  Nunc  sequitur,  3.  Et  tu  non  liberaberis  e  manu  eius,  quia  comprehendendo  comprehendens  et  in  manum  eius  traderis:  et  oculi  tui  videbunt  oculos  regis  babylonii,  et  os  eius  loquetur  ad  os  tuum  (vel  cum  ore  tuo),  et  Babylonem  migrabis.  Quoniam  videbat  Zedechias  populum  adhuc  manere  in  officio,  spernebat  hostem  suum.  Nam  quum  urbs  esset  valde  munita,  sperabat  se  posse  eam  aliquantisper  servare:  hinc  spes  falsa  liberationis:  quia  putabat  hostem  postquam  fatigatus  esset  rediturum  in  Chaldaeam  :  deceptus  fuit  hac  opinione.  Et  propheta  etiam  ipsum  cominus  aggreditur,  et  pronuntiat  captivum  fore.  Id  quidem  meritus  erat  sua  ingratitudine  Zedechias.  Nam  Nabuchadnezer  subrogaverat  ipsum  in  locum  nepotis,  quum  abductus  fuit  Ioakim  Babylonem,  et  regem  creaverat:  postea  defecit  a  rege  babylonio,  cui  fidem  suam  obstrinxerat,  et  cuius  erat  tributarius.  Atqui  propheta  non  respexit  medias  istas  causas,  sed  primum  fontem,  nempe  quod  populus  non  destiterat  scelera  addere  sceleribus,  quod  fuerat  prorsus  indocilis,  et  respuerat  omnes  promissiones:  deinde  aures  clauserat  sanis  consiliis.  Deus  ergo  quum  vellet  extremam  poenam  sumere  de  populo  tam  perverso  et  desperato,  excaecavit  regem  ipsum,  quemadmodum  ante  diximus,  ut  deficeret  a  rege  babylonio,  et  accerseret  sibi  et  urbi,  et  toti  patriae  cladem:  ita  Deus  temperat  medias  causas,  quae  nobis  apparent,  sed  habet  ipse  occultum  suum  consilium  quod  exsequitur  per  externa  media.  Dicit  igitur,  Tu  non  liberaberis  e  manu  eius  quia  comprehendens,  inquit:  deinde,  traderis  in  manum  eius.  Poterat  quidem  uno  verbo  complecti  quod  pluribus  dicit:  sed  necesse  fuit  excutere  regi  socordiam,  qua  erat  quasi  inebriatus,  ut  expergefieret  ad  timendam  poenam  quae  instabat,  quod  tamen  factum  non  est:  sed  redditus  fuit  magis  inexcusabilis.  Ita  minae,  quas  Deus  per  servos  suos  ingeminat,  nunquam  sunt  inutiles:  quia  si  surdae  sint  aures  eorum  qui  obiurgantur,  tamen  quod  Deus  pronuntiavit  cedit  illis  in  testimonium,  ut  tollatur  omnis  excusatio  ignorantiae.  Dicit  postea,  Oculi  tui  videbunt  oculos  regis  Babylonis.  Quod  factum  est,  sed  postea  eruti  sunt  eius  oculi.  Fuit  enim  insigni  ignominia  notatus,  quia  tractus  fuit  in  Reblatha,  ubi  capitis  causam  dixit.  Non  habitus  igitur  est  loco  regis,  neque  ullum  vestigium  retinuit  pristinae  dignitatis:  sed  tractus  fuit  ad  tribunal  regis  babylonii  tanquam  latro,  vel  sceleratus  quispiam.  Deinde  postquam  convictus  fuit  ingratitudinis  et  perfidiae,  rex  Chaldaeus  iussit  filios  eius  iugulari  in  eius  conspectu,  et  omnes  eius  proceres  ac  consiliarios,  et  tandem  vinciri  catenis,  et  erui