35:79  79  SERMON  CXXV  80  il  en  a  este  parle.  Iusques  a  tant  donc  que  l'orgueil  soit  abbatu  et  mis  sous  le  pie,  lequel  est  en  la  nature  des  hommes,  ii  faudra  qu'ils  s'esgayent  tousiours,  et  voltigent  de  coste  et  d'autre,  et  mesmes  soyent  transportez  comme  bestes  brutes.  Et  ainsi  notons  bien  que  le  principal  que  nous  avons  a  faire  en  nos  afflictions,  c'est  d'apprendre  a  nous  humilier,  et  a  n'estre  plus  si  fols  ne  si  hardis  d'entreprendre  plus  que  Dieu  no  nous  permet:  mais  que  nous  cheminions  sous  sa  conduite,  interrogans  tousiours  sa  bouche  pour  nous  tenir  a  ce  qu'il  nous  commande,  et  n'attribuans  rien  a  toutes  nos  forces  et  vertus.  Voila  donc  la  lecon  qu'il  nous  faut  recorder  et  soir  et  matin,  quand  Dieu  nous  afflige.  Or  Eliu  exprime  d'avantage  ce  que  nous  avons  touche:  c'est  a  savoir,  que  Dieu  par  ce  moyen  procure  nostre  salut,  quand  il  nous  humilie.  Et  comment  cela?  Pource  que  c'est  la  ruine  et  perdition  des  hommes,  que  d'estre  ainsi  enflez,  et  s'avancer  plus  qu'il  ne  leur  est  licite.  Il  n'y  a  donc  autre  remede  pour  nous  retirer  de  la  fosse,  et  empescher  que  nous  ne  tresbuchions  d'une  cheute  mortelle,  sinon  que  Dieu  par  afflictions  nous  retiene.  Voila  qui  est  cause  que  nous  ne  tombons  point  au  sepulchre,  c'est  assavoir,  que  Dieu  nous  afflige.O  r  cependant  Eliu  monstre  combien  ceste  medecine  est  rude,  quand  il  dit,  que  c'est  iusques  a  consumer  nostre  chair:  que  nous  riavons  plus  quasi  figure  d'homme,  mais  que  nous  sommes  semblables  a  des  morts  qu'on  aura  retirez  de  terre:  que  les  os  esclissent  par  dehors,  que  nous  ne  pouvons  plus  respiter,  que  nous  sommes  en  tormens  continuels:  que  nous  n'avons  nulle  relasche,  mais  que  Dieu  nous  persecute  si  vivement,  que  nous  n'en  pouvons  plus.  Il  monstre  donc  que  Dieu  ne  peut  pas  gaigner  du  premier  coup  sur  les  hommes  ce  qui  seroit  a  desirer,  c'est  assavoir  qu'ils  se  cognoissent  miserables,  pleins  d'infirmite  pour  baisser  la  teste:  mais  il  faut  que  de  longue  main,  et  par  tormens  continuels  ils  soyent  convaincus,  ou  iamais  ils  ne  se  pourront  assuiettir  ny  renger.  Voila  deux  poincts  que  nous  avons  a  noter.  Or  quant  au  premier,  apprenons  de  porter  patiemment  les  afflictions,  veu  que  nous  voyons  qu'elles  nous  servent  de  medecine.  Est-ce  peu  de  chose  que  nous  soyons  retirez  du  sepulchre?  Il  n'est  pas  ici  question  seulement  de  la  mort  corporelle  qui  passe,  mais  par  similitude  la  damnation  eternelle  est  ici  nommee  Fosse.  Nous  sommes  donc  prests  a  tomber,  non  point  pour  nous  casser  ou  bras  ou  iambes,  non  point  seulement  pour  nous  rompre  le  col,  mais  pour  perir  a  iamais,  pour  estre  raclez  du  livre  de  vie,  pour  estre  retranchez  du  royaume  des  cieux.  Voila  en  quel  estat  nous  mene  nostre  arrogance:  car  cependant  que  nous  voltigeons  ainsi  en  l'air,  et  que  nous  cuidons  avoir  quelque