31:79  79  PSALMUS  VII.  80  De  voce  Siggaion  non  consentiunt  inter  ge  Hebraei  interpretes.  Quidam  enim  pro  musico  instrumento  accipiunt.  Aliis  videtur  esse  concentus  ad  carmen  moderandum.  Alii  putant  initium  fuisse  tritae  cantilenae,  ad  cuius  modulos  Psalmum  hunc  David  cantari  voluerit.  Alii  Hebraicum  nomen  latine  oblectationem  reddunt.  Mihi  secunda  opinio  videtur  maxime  probabilis,  certam  fuisse  melodiae,  vel  cantici  speciem  :  ac  si  quis  vel  Sapphicum,  vel  Phaleucium  carmen  dicat.  Sed  ego  de  re  levis  momenti  non  contendo.  Porro,  quod  Psalmus  fuisse  compositus  dicitur  super  verbis  Chus,  mihi  non  placet  (quod  vulgo  tamen  receptum  est)  per  verba  negotium  intelligi.  Fateor  quidem  Hebraeis  usitatam  esse  loquendi  formam,  ut  verbum  pro  re  vel  causa  sumatur  :  sed  quia  paulo  post  exprimit  David  falsi  criminis  invidia  se  fuisse  gravatum,  non  dubito  quin  de  ipsa  delatione  vel  calumnia  hic  loquatur,  cuius  autorem,  vel  certe  ministrum  fuisse  interpretor  Chus,  aliquem  ex  consanguineis  Saulis.  Neque  enim  satis  firma  ratione  moventur  quidam,  ut  Saulem  oblique  sub  nomine  alieno  perstringi  dicant.  A  vero  nomine  secundum  ipsos,  ideo  abstinuit  David,  ut  regiae  dignitati  parceret.  Plurimum  (fateor)  apud  ipsum  valuit  sacrae  unctionis  reverentia:  sed  quum  alibi  diserte  Saulem  nominet,  ubi  non  minus  acriter  in  eum  invehitur,  nec  minus  atro  carbone  eum  depingit,  ��cur  hic  potius  eius  nomen  supprimeret?  Meo  itaque  iudicio,  hic  sine  figura  proprio  nomine  exprimitur  improbus  delator,  qui  Davidi  odium  ex  ficto  crimine  conflaverat:  sive  a  rege  fuerit  subornatus,  sive  favorem  captans,  ultro  Davidem  calumniatus  fuerit.  Scimus  enim  Davidem  vulgo  magna  infamia  flagrasse,  quasi  in  regem  et  socerum  suum  ingratus  ac  perfidus  fuisset.  Quanquam  autem  Saul  ex  familia  Iemini  fuit,  nihil  tamen  absurdi  erit,  si  dicamus  unum  ex  eius  cognatis  Davidem  falso  accusasse,  2.  Iehova  Deus  mi,  in  te  confido,  serva  me  ab  omnibus  persequentibus  me,  et  libera  me,  3.  Ne  forte  rapiat  tanquam  leo  animam  meam:  discerpat,  et  non  sit  qui  liberet.  Initio  multos  sibi  hostes  esse  dicit:  secundo  autem  versu  unum  quempiam  singulari  numero  designat.  Et  certe  quum  omnium  animi  in  eum  accensi  forent,  merito  ab  omnibus  suis  persequutoribus  eripi  petiit.  Sed  quia  impia  regis  crudelitas,  instar  facis,  contra  hominem  innoxium  totius  populi  odia  inflammabat,  merito  etiam  peculiariter  in  ipsum  stylum  convertit.  Ita  primo  versu  rem  describit  qualis  erat:  secundo  autem  versu  fontem,  vel  causam  mali  ostendit.  Porro,  quod  praefatur  Deo  se  confisum  esse,  in  hoc  verbo  magna  subest  emphasis.  Est  quidem  praeteriti  temporis,  ideoque