27:79  79  SERMON  LXXIV.  80  s'attache  ainsi  a  moy,  on  ne  pourra  sinon  demeurer  confus.  Ie  vueil  bien  donc  qu'on  me  porte  reverence:  mais  si  est-ce  qu'encores  ie  veux  que  vous  approchiez  de  moy  familierement,  que  vous  y  veniez  en  confiance  comme  a  vostre  pere:  et  voila  pourquoy  ie  vous  demande  l'amour,  comme  la  chose  principale,  et  qui  m'est  le  plus  a  gre.  Que  donc  vous  m'aimiez,  que  vous  monstriez  que  vous  me  portez  une  amour  cordiale:  car  ie  ne  veux  point  tirer  de  vous  des  craintes  forcees,  ie  ne  vous  veux  pas  gouverner  comme  des  boeufs,  et  des  asnes:  ie  vous  veux  tenir  comme  mes  enfans,  sans  exercer  une  domination  tyrannique  sur  vous:  mais  ie  veux  avoir  ceste  authorite  paternelle  sur  vous,  et  que  vous  me  serviez  aussi  d'une  amour  filiale,  et  que  vous  soyez  du  tout  dediez  a  moy.  Voila  donc  les  deux  poincts  que  nous  avons  a  noter,  quand  Moyse  conclud,  que  donc  le  peuple  aime  l'Eternel  son  Dieu.  Oar  pour  bien  observer  la  Loy  de  Dieu,  il  nous  le  faut  aimer  devant  toutes  choses.  Nous  aurons  beau  remuer  et  pieds  et  mains,  tellement  que  nous  serons  irreprehensibles  devant  les  hommes:  mais  tout  ne  sera  rien,  sinon  que  Dieu  possede  nos  affections,  et  que  nous  le  servions  de  nostre  bon  gre,  et  d'une  affaction  pure,  et  franche.  Voila  pour  un  item.  Or  le  second  est,  que  nous  cognoissions  comment  c'est  que  Dieu  s'accommode  a  nous,  et  qu'il  s'y  conforme,  quand  il  ne  veut  point  estre  redoute  avec  une  frayeur:  mais  qu'il  veut  qu'on  le  recoive  comme  pere,  ainsi  que  de  son  coste  il  nous  apelle  tant  doucement,  et  nous  convie  comme  s'il  nous  vouloit  tenir  en  son  giron,  d'autant  qu'il  nous  a  adoptez  pour  ses  enfans.  Voila  en  somme  ce  que  nous  avons  a  retenir.  Or  quant  a  ce  que  Moyse  adiouste,  qu'on  garde  la  garde  de  Dieu,  ses  statuts,  ses  iugemens,  ses  droictures,  ses  ordannaces,  ses  commandemens^  ses  decrets,  nous  avons  desia  declaire  ci  dessus  pourquoy  c'est  qu'il  met  tant  de  mots.  Gar  en  somme  il  suffiroit  de  dire:  Gardez  les  commandemens  de  vostre  Dieu,  vous  avez  sa  Loy  qui  est  une  reigle  certaine,  tenez-vous  la.  Or  Moyse  ne  se  contente  point  d'avoir  ainsi  simplement  parle:  mais  pour  exprimer  quel  est  le  contenu  de  la  Loy,  et  la  doctrine  qu'il  nous  en  faut  recueillir,  il  met  les  statuts,  commandemens,  droictures,  ordonnances  et  gardes.  Pourquoy  cela?  C'est  afin  que  nous  cognoissions  que  nous  avons  la  une  perfection  de  toute  sainctete.  Nous  savons  que  de  tout  temps  les  hommes*  ont  fretille  en  leurs  esprits:  et  quand  ils  n'ont  point  servi  Dieu  en  pure  simplicite,  c'est  d'autant  qu'un  chacun  a  voulu  adiouster  sa  piece,  et  son  loppin  a  ce  que  Dieu  avoit  commande.  Et  voila  dont  sont  venues  toutes  les  superstitions  qui  sont  auiourd'huy  au  monde,  ie  di  toutes  ces  superstitions  diaboliques  dont  le  service  de  Dieu  a  este  corrompu:  c'est  quand  les  hommes