26:79  79  SERMON  XVII.  80  nous  ayons  este  malades  un  iour,  et  trois  :  il  faudra  que  le  mal  dure  et  s'augmente,  iusques  a  ce  que  nous  soyons  bien  purgez.  Quand  donc  nous  faisons  quelques  requestes  a  Dieu,  il  les  faut  moderer.  Pourquoy?  Nous  ne  savons  pas  quelle  est  sa  volonte:  ie  ne  say  pas  ce  qui  m'est  propre,  et  Dieu  ne  m'en  a  donne  nulle  promesse:  il  faut  qu'ici  ie  soye  en  suspens,  et  qu'en  priant  Dieu  ie  me  remette  a  luy,  que  i'attende  en  patience  telle  issue  que  bon  luy  semblera,  que  ie  soye  comme  captif  pour  me  ranger  du  tout  a  sa  volonte,  renoncant  a  toutes  mes  affections.  Nous  voyons  donc  maintenant,  que  la  ou  la  volonte  de  Dieu  ne  nous  est  point  certaine,  qu'il  ne  nous  faut  point  estre  certifiez  de  nostre  coste:  mais  y  aller  avec  ceste  condition,  que  Dieu  nous  face  comme  il  luy  plaira.  Et  cependant,  qu'il  nous  face  trouver  bon  tout  ce  qu'il  fait,  que  nous  puissions  nous  y  accorder:  voire  non  point  par  force,  mais  de  nostre  bon  gre.  Voila  ce  que  nous  avons  a  retenir  de  cest  exemple  de  Moyse.  Puis  qu'ainsi  est  donc,  gardons-nous  d'apporter  en  nos  oraisons  ce  que  nous  cognoissons  desplaire  a  Dieu,  et  estre  condamne  de  luy.  Comme  quoy?  Si  nous  luy  demandons  de  vivre  tousiours  en  ce  monde:  nous  savons  que  nous  sommes  creez  a  autre  fin:  et  mesmes  nous  ne  pouvons  estre  ses  enfans,  que  nous  ne  soyons  pelerins  en  ce  monde,  comme  dit  l'Apostre.  Puis  qu'ainsi  est,  celuy  qui  demanderoit  de  vivre  ici  a  iamais,  il  renonce  au  royaume  des  cieux,  il  se  separe  de  Dieu,  et  se  forclost  de  tout  accez  de  luy.  Ainsi  donc  voila  une  chose  fort  contraire  a  la  facon  de  bien  prier:  autant  en  est-il  de  tous  nos  appetis  vicieux.  Nous  savons  ce  que  Dieu  nous  adeffendu:  et  si  nous  allons  tout  au  rebours,  n'est-ce  pas  comme  des  taureaux  eschauffez,  ou  des  bestes  sauvages?  Et  pensons-nous  qu'une  telle  facon  de  prier  ne  provoque  point  la  vengeance  de  Dieu  sur  nous?  N'est-ce  point  un  sacrilege,  puis  qu'on  ne  sauroit  abuser  de  son  Nom  plus  faussement?  Ainsi  donc  nous  devons  tousiours  regarder,  quand  il  est  question  de  nous  enquerir  de  la  volonte  de  nostre  Dieu  :  nous  devons,  di-ie,  aviser  ce  qu'il  nous  promet:  et  alors  nous  serons  exaucez  en  nos  requestes.  Toutesfois  nous  avons  a  noter  quand  Moyse  a  demande  a  Dieu  de  passer  le  Iordain,  ce  n'a  pas  este  qu'a  son  escient  il  voulust  estre  rebelle  a  Dieu.  Oar  il  avoit  receu  avec  toute  humilite  ceste  condamnation  que  nous  avons  veu,  quand  Dieu  l'avoit  banni  de  l'entree  de  la  terre  promise:  mais  maintenant  il  s'oublie,  et  ceci  luy  eschappe.  Quand  nous  voyons  cela:  notons  que  tant  plus  nous  fautil  estre  diligens  a  bien  esplucher  nos  souhaits,  assavoir,  s'ils  sont  conformes  a  la  volonte  de  Dieu,  et  compassez  du  tout  a  la  reigle  de  sa  parolle  ou  non.  Car  nous  pourrons  bien  protester  que  nous  demandons  d'estre  subiets  a  Dieu,  et  dirons  cela  sans