21:79  79  VIE  DE  CALVIN  80  L'an  1555,  les  meschans,  desquels  le  susdit  Amied  Perrin  et  autres  ses  complices  s'estoyent  constituez  comme  chefs,  voyans  qu'ils  n'avoyent  peu  l'an  passe  abbattre  l'authorite  du  Consistoire,  se  delibererent  de  proceder  par  violence  et  executer  leur  entreprinse.  Ils  prenoyent  leur  couleur  sur  ce  que  plusieurs  Francois  estoyent  venus  habiter  en  la  ville,  et  qu'il  estoit  a  craindre  qu'ils  ne  la  trahissent.  Cependant  leur  intention  estoit  d'oster  tous  les  bons,  qui  estans  en  quelque  partie  du  gouvernement  leur  nuisoyent,  ensemble  plusieurs  des  Francois,  et  de  changer  l'estat  de  la  ville  et  de  l'Eglise  a  leur  plaisir.  Mais  Dieu  voulut  qu'ils  se  mirent  apres,  un  soir,  et  commencerent  ceste  esmotion:  dont  lesdits  chefs  se  trouverent  bien  mal,  et  n'eurent  meilleur  expedient,  que  bien  tost  apres  gagner  au  pied,  laissans  leur  honneur  en  gage,  et  se  doutans  bien  que  leur  vie  y  pendoit.  Dieu  sait  si  Calvin  pour  un  tel  dangier  (car  il  estoit  bien  pour  le  moins  des  premiers  a  qui  en  vouloyent  lesdits  coniurateurs)  ne  devant  qu'il  fust  descouvert  ni  apres,  fut  en  rien  refroidi  de  faire  courageusement  et  prudemment  son  office  *).  Or  la  descouverte  de  ceste  conspiration  vint  a  un  grand  avancement  de  l'Eglise  de  Dieu.  Car  le  peuple  en  fut  rendu  plus  obeissant  a  la  parole  de  Dieu,  la  saincte  reformation  en  fut  mieux  observee,  et  les  scandales  deuement  punis  et  reprimez.  Dont  le  bon  homme  s'esiouissoit  au  Seigneur.  Et  de  fait,  on  s'apperceut  bien  que  l'alaigresse  que  il  concevoit  de  voir  les  choses  mieux  reiglees,  faisoit  qu'il  se  portoit  mieux  quant  a  sa  sante,  et  luy  augmentoit  tousiours  le  courage  de  servir  songneusement  l'Eglise.  Vray  est  que  ladite  conspiration  et  coniuration  attira  avec  soy  une  infinite  de  dangers  et  travaux  :  mais  a  la  fin  le  Seigneur  par  sa  grande  misericorde  et  [e  3]  par  la  prudence  de  son  serviteur  amena  la  chose  a.  telle  issue  qu'on  la  voit,  c'est  a  dire  a  la  plus  grande  tranquilite  et  felicite  qu'ait  iamais  sentie  ceste  Cite.  En  ceste  annee-la,  le  20.  de  Mars,  il  commenca  le  livre  du  Deuteronome  aux  sermons  ordinaires  de  sa  sepmaine:  et  pour  les  Dimanches  print  la  2.  a  Thimothee,  le  21  d'Avril:  et  puis  suivit  l'Epistre  a  Tite:  et  apres  ceste-la,  commenca  l'Epistre  premiere  aux  Corinthiens,  le  20.  d'Octobre.  Il  fit  aussi  imprimer  son  Commentaire  sur  les  trois  Evangelistes  conioincts  ensemble  pour  monstrer  le  bon  accord  qu'ils  ont  entrer  eux.  Au  reste  pour  les  vendredis  en  la  Congregation,  on  print  le  livre  des  Pseaumes.  De  ce  temps-la  fut  descouvert  un  certain  Iurisconsulte  de  ces  quartiers,  nomme  Matthieu  Gripalde,  seigneur  de  Farges,  tenant  des  erreurs  de  Servet  et  en  semant  ca,  et  la,  couvertement.  Iceluy  lors  1)  sa  charge  F.