15:79  79  EPISTOLAE  1929-1930  80  La  dilection  de  Dieu  nostre  pere  et  la  grace  de  nostre  Seigneur  Iesus  Christ  soit  tousjours  sur  vous  par  la  communication  du  Saint  Esprit.  Treschers  freres,  nous  avons  a  louer  Dieu  de  ce  que  aux  troubles  qui  regnent  auiourdhuy  par  tout  le  monde,  il  vous  a  donne  quelque  retraicte  ou  vous  le  puissiez  servir  et  adorer  en  liberte.  Et  non  seulement  cela,  mais  aussi  vous  a  donne  le  moyen  de  vous  assembler  en  son  nom,  vous  exercer  a  ouyr  sa  parolle,  linvoquer  dun  commun  accord,  et  faire  confession  pure  de  vostre  foy.  Ce  nest  pas  une  petite  grace,  attendu  les  horribles  confusions  quon  voit  par  tout.  Il  reste  que  vous  en  faciez  vostre  proffit,  et  que  vous  soyez  tant  plus  ardans  a  glorifier  celuy  qui  vous  a  eslargi  un  tel  don  pour  le  faire  fructifier.  Quant  a  la  forme  duser  des  Sacremens,  ce  nest  pas  sans  cause  que  vous  en  avez  quelque  doubte  et  scrupule.  Car  il  ny  a  rien  meilleur  que  de  nous  tenir  a  la  pure  simplicite  que  nous  tenons  du  filz  de  Dieu,  duquel  lordonnance  nous  doibt  estre  pour  reigle  unique,  comme  aussi  lusaige  des  Apostres  y  a  este  du  tout  conforme.  Et  de  fait  si  tost  quon  en  decline  tant  peu  que  ce  soit,  ie  meslinge  quon  y  apporte  du  coste  des  hommes  ne  peut  estre  que  corruption.  Mais  il  nous  semble  que  vostre  condition  est  diverse  de  celle  des  Pasteurs  du  lieu  et  de  tout  le  corps  du  peuple.  Si  les  Pasteurs  fay  soyent  leur  debvoir,  ilz  mettroyent  peine  de  retrancher  les  superfluitez  qui  ne  servent  rien  a  edifier,  mesme  plustost  obscurcissent  la  clarte  de  lEvangile.  Les  gouverneurs  aussi  de  leur  coste  y  debvroyent  bien  avoir  esgard.  Cest  doncques  ung  vice  a  condamner  quant  a  eux,  de  ce  qui  nourrissent  ces  menuz  fatras  qui  sont  comme  un  residu  des  superstitions  papales  desquelles  nous  debvons  tascher  dexterminer  la  memoyre  entant  quen  nous  est.  Mais  pour  autant  que  vous  nestes  quun  membre  particulier,  non  seulement  vous  povez  licitement,  mais  aussi  debvez  supporter  et  souffrir  telles  infirmitez  quil  nest  pas  en  vous  de  corriger.  Nous  nestimons  pas  que  davoir  des  chandelles  allumees  en  la  Cene  et  du  pain  figure,  soyent  choses  indifferentes  pour  y  consentir  ny  les  approuver,  mais  trop  bien  pour  saccommoder  a  lusaige  qui  en  sera  desia  receu,  quand  nous  navons  pas  lauthorite  pour  y  remedier.  Sil  estoit  question  de  recevoir  yci  telles  ceremonies,  nous  serions  contraintz  et  tenus  selon  le  lieu  auquel  Dieu  nous  a  constitues  dy  resister  iusques  au  bout,  et  de  maintenir  constamment  la  purete  dont  lEglise  qui  nous  est  commise  est  desia  en  possession.  Mais  quand  nous  viendrions  en  quelque  lieu  ou  ii  y  auroit  forme  diverse,  il  ny  a  celuy  de  nous  qui  par  despit  dune  chandelle  ou  dune  chasuble  se  voulut  separer  du  corps  de  lEglise,  et  par  ce  moien  se  priver  de  lu-