11:79  EPISTOLAE  236-237  Quam  carissimo  Io.  Calvino  fratri  et  symmystae.  Argentorati.  S.  Gratulantur  et  tibi  et  uxori  fratres  omnes  quod  clementia  divina  tam  benigne  alterum  alteri  iunxerit,  optantque  vobis  omnia  fausta,  et  iuxta  spem  quam  conceperunt  ex  iis  quae  narrabamus  omnia  succedant,  et  plus  quam  possint  sperare  ac  petant  efficiat  in  vobis  Dominus.  Non  erit  vobis  molestum  si  videamur  ex  vobis  petere  quod  non  facile  in  suis  Moses  ferret,  nempe  ut  tu  ante  annum  absolutum  peregrinationem  suscipias,  ad  nos  usque  veniens,  ac  tuam  liberes  fidem  dudum  datam  quod  nos  inviseres;  sed  ut  non  censeas  nos  rigidiores  in  exigendo,  quod  in  te  queri  possemus,  quum  cito  et  ad  condictam  diem  iuberes  nos  adesse,  locum,  diem,  personas,  ac  omnia  perscribens,  nos  omnia  in  tuo  volumus  esse  arbitrio  quandocunque  voles,  modo  cito,  hoc  est,  non  tardius  quam  ad  septimanas  tres.  Adiunge  tibi  comites,  imo  duces,  quos  noveris  facere  ad  illustrandam  profectionem  istam,  siquidem  te  regie  sumus  excepturi  pro  more  nostro.  Sed  vide  ut  dies  aliquis  dominicus  contingat,  vel  ubi  veneris,  vel  priusquam  solvas,  ut  non  tantum  nos,  verum  etiam  et  plebs  consolationem  excipiat  de  tuo  adventu,  sicut  vellem  quoque  de  omnibus  qui  tecum  venient.  Vide  ne  nostram  fallas  spem,  omnes  ne  prives  exspectata  aedificatione,  quantum  nos  amas,  imo  Christum  in  nobis.  Bernates  valde  pie  se  gesserunt  pro  vinctis  Vesuntione.1)  Frater  ille  qui  istic  egit  conterraneus  Iacobi,  quum  literas  ex  me  accepisset  ad  Tossanum,,  in  Sancto  Hippolyto,  sic  vocant  locum,  non  procul  Monbelgardo  captus  fuit  cum  commilitone,  nostraeque  literae  Vesuntionem  missae;  quumque  tribus  verbis  vinctorum  ineminissem,  sanguinarii  illi,  per  quos  pius  ille  Lambelinus2)  Dei  amans  et  reipublicae  commodis  studens,  adeo  ut  a  ducentis  annis  Vesuntione  non  fuerit  fidus  magis  illi  urbi,  neque  de  ea  tam  bene  meritus,  ut  ipsi  hostes  etiam  norunt,  traductus  fuit  apud  plebem  perduellionis,  quo  possent  odium  pietatis  morte  pii  viri  exsaturare,  acceptis  Bernatium  literis  et  ea  quae  in  meis  putant  se  divinare,  quum  (ut  ex  exemplari  quod  inde  exceperunt  apparet)  non  possent  assequi  meas  literas,  vinctos  proditionis  accusant,  quod  urbem  velint  Bernatibns  tradere,  meque  sollicitarint  et  Bernates  magis,  quum  ego  nihil  prius  sciverim,  neque  qui  essent,  neque  quot,  tantum  audieram  vinctos  esse  propter  evangelium.  Sic  terram  coelo  mis-  236.  1)  Mense  Iulio  turbae  Vesuntione  religionis  causa  excitatae  et  plures  ex  primoribus  urbis  in  vincula  dati  sunt,  in  quorum  gratiam  Senatus  Bernensis  ad  Vesuntinum  scripsit  d.  10.  Augusti.  (Welsch  Missivb.  193,  Buchat,  V.  Uo.)  2)  N.  128,  not  5.