23:784  instruction.  Il  est  certain  que  tousiours  en  temps  opportun  il  se  monstrera  a  nous:  comme  aussi  nous  voyons  que  les  peres  anciens  luy  ont  rendu  tousiours  ce  tesmoignage-la.  Ainsi  iaut-il  que  nous  en  facions  auiourd'huy,  non  seulement  de  bouche:  car  il  n'est  pas  question  seulement  d'avoir  les  mots  en  la  langue,  mais  qu'en  toute  nostre  vie  nous  monstrions  que  vrayement  nous  croyons  qu'il  est  le  Dieu  voyant:  et  puis  apres  qu'il  est  aussi  le  Dieu  qui  ne  se  cache  pas,  selon  qu'il  le  testifie  par  Esaye.  Oar  apres  avoir  dit  qu'il  n'a  point  parle  en  cachette,  il  adiouste  que  vrayement  il  est  le  Dieu  qui  nous  void.  Il  est  vray  que  d'un  autre  coste  il  est  dit:  N'es-tu  pas  un  Dieu  lointain?  pour  monstrer  qu'il  nous  faut  estre  exercez  en  foy,  c'est  a  tlire,  que  Dieu  ne  nous  monstre  pas  du  premier  coup  sa  vertu  tellement  que  nous  la  sentions  et  experimentions.  Mais  s'est-il  ainsi  eslongne  de  nous?  Alors  il  approche,  voire  et  approche  quand  nous  ne  l'avons  pas  cuide,  tellement  que  nous  voyons  tousiours  accompli  ce  qui  nous  est  ici  monstre.  Et  pourtant  apprenons  en  [pag.  308]  toute  nostre  vie,  de  tellement  nous  reposer  en  luy  que  ce  soit  pour  attendre  que  finalement  apres  toutes  les  visions  nous  aurons  eu  ici  bas  de  son  secours,  apres  qu'il  nous  aura  voulu  en  diverses  sortes  confermer  en  foy  et  en  esperance,  qu'il  nous  donnera  la  vision  finale  quand  nous  le  verrons  face  a  face,  estans  transfigurez  en  sa  gloire.  PRIERE.  Or  nous  nous  prosternerons  devant  la  maieste  de  nostre  bon  Dieu  en  cognoissance  de  nos  fautes,  le  priant  qu'il  nous  les  face  mieux  sentir  que  nous  n'avons  point  fait,  et  que  ce  soit  pour  tousiours  amortir  nos  meschantes*  cupiditez,  qui  bataillent  contre  sa  grace  et  bonte,  et  contre  son  sainct  Esprit.  Et  que  nous  cheminions  tellement  qu'encores  qu'il  y  ait  des  infirmitez  en  nous  qui  nous  retienent,  que  nous  ne  laissions  pas  toutesfois  d'aspirer  a  luy  tout  le  temps  qu'il  nous  laissera  ici  bas.  Et  que  nous  facions  tels  efforts  contre  nous-mesmes,  qu'estans  liez  en  nos  passions  nous  luy  servions  neantmoins  en  franchise  et  liberte,  et  d'une  volonte  pure  et  franche.  Et  que  nous  profitions  en  cela  de  plus  en  plus,  iusques  a  ce  que  nous  parvenions  a  l'heritage  celeste,  la  ou  nous  verrons  que  ceux  qui  se  tiendront  a  luy  ne  perdront  point  leur  peine,  et  qu'il  y  a  fruict  pour  ceux  qui  le  craignent,  qui  le  servent  et  honorent.  Que  non  seulement,  etc.  Fin.  BRUNSVIGAE,  TYPIS  M.  BRUHNII.