23:783  783  SERMONS.  784  alors  il  nous  apparoit,  c'est  a  dire,  nous  le  voyons  de  nostre  coste:  et  alors  par  experience  il  nous  approuve,  que  ce  n'est  point  en  vain  que  nous  luy  avons  faict  cest  honneur  de  confesser  qu'il  void  assez  pour  nous,  encores  que  nous  fussions  aveugles.  Voila  donc  comme  Abraham  en  premier  lieu  a  prononce  que  Dieu  void,  et  puis  qu'il  a  impose  le  nom  a  la  montagne  que  Dieu  void,  c'est  a  dire,  qu'il  provoid  a  tout  ce  qu'il  nous  faut,  et  a  ce  qui  nous  est  besoin.  Et  puis  les  successeurs  ont  ratifie  cela  disant,  Dieu  a  este  veu:  comme  de  faict  c'estoit  bien  une  manifestation  patente  a  Abraham,  comme  s'il  eust  veu  les  cieux  se  fendre,  et  comme  si  Dieu  fust  la  descendu  en  forme  visible,  quand  il  a  crie  du  ciel,  Abraham,  Abraham,  n'esten  point  ta  main  sur  l'enfant  et  ne  luy  fais  nul  mal:  car  alors  Dieu  a  retire  Isaac  comme  de  la  mort.  Et  Abraham  luy  a  offert  ce  mouton  en  sacrifice  de  ioye,  pour  la  grace  qu'il  avoit  receue.  Voila  donc  [pag.  306]  comme  Dieu  est  apparu  a  Abraham,  qu'il  a  cognu  manifestement  qu'il  le  guidoit.  Et  ainsi,  que  nous  profitions  en  ceste  doctrine,  et  que  nous  sachions  qu'en  regardant  a  Dieu,  voire  par  les  yeux  de  la  foy,  il  sera  tousiours  suffisant  pour  nous  conduire:  et  que  nous  aurons  bonne  occasion  et  matiere  de  nous  fier  en  luy,  et  nous  y  reposer,  pour  ce  que  toutes  creatures  luy  sont  subiettes,  et  qu'il  sait  nos  issues,  comme  il  est  dit  au  Pseaume  cent  et  trente  neufieme,  au  2.  vers.  Or  quand  nous  aurons  ainsi  regarde  a  Dieu,  et  que  nous  luy  aurons  attribue  la  louange  qui  luy  appartient,  de  dire  que  c'est  a  luy  de  nous  tenir  tousiours  la  main  forte:  il  est  certain  qu'il  nous  apparoistra,  c'est  a  dire,  que  nous  verrons  que  tous  ceux  qui  se  conflent  en  luy  ne  seront  iamais  confus.  Ainsi  donc,  ayons  ceste  patience:  et  quand  nostre  Seigneur  ne  voudra  pas  que  nous  cognoissions  comment  nous  pourrons  eschapper  de  quelque  danger,  et  qu'il  nous  laissera  tremper  et  languir  en  beaucoup  de  fascheries,  que  tousiours  cela  viene  en  avant,  Dieu  verra.  Et  puis  quand  il  nous  fera  sentir  qu'il  pensoit  de  nous  cependant  que  nous  eussions  estime  qu'il  nous  avoit  mis  en  oubli,  que  nous  le  cognoissions,  et  que  nous  disions,  Dieu  nous  est  apparu:  et  que  nous  sachions,  quoy  qu'il  en  soit,  qu'apres  que  nous  aurons  ainsi  dresse  [pag.  307]  a  luy  toutes  nos  pensees,  et  que  nous  aurons  reiette  sur  luy,  comme  iL  est  dit  au  Pseaume,  toutes  nos  sollicitudes,  il  monstrera  que  ce  n'a  point  este  pour  Abraham  et  pour  le  peuple  des  Iuifs  seulement  que  ceste  montagne  a  eu  ce  titre,  mais  que  c'est  pour  nostre