8:781  781  DE  SEBYET.  782  18.  Sus  le  18  respond  quil  peult  estre  quil  luy  aye  dict  et  quil  pensoit  quil  fusse  bon  et  quil  se  vendroit  bien.  19.  Sus  le  19  respond  quil  nen  scait  rien,  car  le  correcteur  navoit  point  leu  le  livre.  20.  Sus  le  20  respond  que  de  la  copie  ledict  Guillaume  ne  la  vit  iamais,  car  il,  Servet,  la  portoit  de  feuillet  en  feuillet,  ainsin  que  le  compositeur  navoit  affaire  et  aportoit  tousiours  ce  qui  estoit  faict.  Et  quant  a  la  preuve,  pource  que  ledict  Servet  alloit  la  sus  le  tarfc,  il  ne  scait  si  ledict  Guillaume  peult  avoir  veues  quelques  preuves.  21.  Sus  le  21  respond  que  non,  et  quil  brusloit  la  copie,  parce  quelle  estoit  escripte  de  sa  main,  1)  incontinent  quil  estoit  faict  quelque  feuillet,  et  quil  heubst  fallu  demander  le  livre  imprime  a  limprimeur  pour  le  translater,  non  pas  a  luy.2)  22.  Sus  le  22  respond  que  devant  que  ledict  Guillaume  vinsse  iamais  a  Vienne,  il  avoit  convenu  avec  le  maistre,  et  que  ledict  Guillaume  navoit  que  faire  de  son  livre,  car  il  nestoit  que  valet.  23.  Sus  le  23  respond  que  le  maistre  avoit  convenu  avec  luy  en  absence  dudict  Guillaume  et  quil  corrigoit  luy  mesme,  tellement  que  ledict  Guillaume  navoit  aulcune  charge,  ny  ne  se  debvoit  mesler  dudict  livre.  24.  Sus  le  24  respond  quilz  sont  gens  de  bien  qui  ne  veulent  pas  dire  sinon  la  verite  et  que  en  ce  quilz  diront  verite  il  les  croyra.  25.  Sus  le  25  respond  quil  ne  scait  pas  son  npm  et  quil  ne  la  frequente  que  quatre  ou  cinq  moys  dempuys  quil  estoit  venu  a  Vienne  et  quil  ne  la  iamays  ouy  nommer  aultrement  que  maistre  Guillaume.  26.  Sus  le  26  respond  que  cela  est  hors  de  sa  souvenance,  et  que  cestoit  de  son  aage  peult  estre  de  cinq  ans.  27.  Sus  le  27  respond  que  ouy,  mais  il  ne  le  voulut  pas  faire,  voyant  quil  ne  se  sentoit  point  capable.  28.  Sus  le  28  respond  quil  na  point  de  souvenance  davoir  dict  cela,  ou  vrayement  quil  le  pourroit  avoir  dict  en  gaudisserie,  pour  donner  a  entendre  quil  nestoit  pas  impotent,  car  il  navoit  que  faire  de  le  laisser  scavoir.  29.  Sus  le  29  respond  que  non.  30.  Sus  le  30  respond  quelle  a  commence  a  estre  declairee  du  tems  de  Luther,  et  a  suyvy  iusques  icy,  et  quil  pense  quelle  se  declairera  encor  plus  oultre  de  quelques  choses  quil  entend  nestre  encor  bien  declairees.  1)  Les  mots:  parce  quelle  etc.  sont  omis  dans  Trechsel.  2)  Ces  mots:  non  pas  a  luy,  manquent  aussi  dans  Trechsel