23:781  781  SERMONS.  782  dence.  Voila  donc  comme  en  fait  Abraham  lors  que  Dieu  le  tenoit  (par  maniere  de  dire)  comme  a  la  torture,  que  non  seulement  il  estoit  presse  de  solicitude:  mais  de  telle  tristesse  qu'il  estoit  comme  un  povre  homme  abysme  en  desespoir,  Dieu  y  pourvoira,  dit-il.  Maintenant  aussi  nous  voyons  que  Dieu  le  resiouit,  et  qu'il  a  de  quoy  luy  sacrifier  et  luy  rendre  action  de  graces:  il  offre  un  mouton,  voire  qu'il  ne  tire  pas  de  son  estable,  Dieu  luy  donne  tellement  qu'il  n'y  a  la  rien  du  sien.  Enquoy  Dieu  luy  veut  encores  tant  mieux  testifier  sa  bonte.  Abraham  donc,  s'est-ii  resolu  en  cela,  que  Dieu  pourvoiroit  pour  le  secourir  de  ceste  angoisse  en  laquelle  il  estoit?  Dieu  maintenant  luy  donne  occasion  de  ioye,  et  veut  que  cela  soit  engrave  en  sa  memoire,  et  que  tout  le  temps  de  sa  vie  il  ait  dequoy  recourir  a  Dieu,  et  qu'il  continue  en  cela  non  seulement  pour  ce  peu  de  temps  qu'il  a  encores  a  vivre:  mais  il  veut  que  ce  titre  soit  engrave  en  la  montagne,  a  fin  que  ses  successeurs  en  parlent,  et  que  ce  benefice  soit  memorable,  qu'il  soit  en  la  bouche  de  chacun,  et  qu'on  sache:  Voila  Dieu  qui  a  esprouve  la  foy  de  nostre  pere  Abraham,  voire  iusques  a  la  mort  de  son  fils,  et  cependant  cela  ne  luy  a  rien  couste,  [pag.  302]  Car  si  tout  ceci  n'eust  este  ainsi  fait,  il  n'eust  pas  si  visiblement  cognu  la  grace  de  Dieu  en  la  protection  que  nous  voyons  en  Isaac,  quand  il  est  retire  comme  de  mort  a  vie.  Et  Abraham  mesmes  ne  Feust  pas  si  bien  apprehendee,  car  c'estoit  comme  si  Dieu  fust  descendu  du  ciel,  et  qu'il  luy  eust  dit:  Regarde  maintenant,  tu  n'as  pas  seulement  ici  une  creature  mortelle:  mais  tu  as  un  fils  auquel  ma  vertu  se  declaire,  et  tu  peux  desia  gouster  que  le  salut  du  monde  procedera  de  la.  Abraham  donc,  veut  que  cela  soit  cognu  et  celebre  entre  ses  successeurs,  et  que  cela  leur  serve  d'instruction  a  perpetuite.  Voila  donc,  ce  que  nous  avons  a  retenir  de  ce  passage.  Et  ainsi  apprenons  tousiours  de  mediter  la  providence  de  Dieu  en  toute  nostre  vie,  tellement  que  si  nous  avons  quelque  fascherie  qui  nous  tormente  et  nous  engendre  sollicitude,  apprenons,  di-ie,  de  nous  reposer  en  Dieu,  comme  c'est  son  office  de  prouvoir  a  tout.  Il  est  vray  qu'il  nous  laissera  bien  quelque  provoyance,  comme  il  faut  que  chacun  ait  le  soin  de  sa  famille,  que  nous  ayons  industrie  pour  nous  appliquer  a  ce  qui  est  de  nostre  devoir,  que  chacun  aussi  serve  a  ses  prochains:  mais  cependant  si  faut-il  que  Dieu  pourvoye  par  dessus  nous,  et  que  quand  les  choses  nous  seront  obscures,  et  que  Dieu  mesmes  nous  amenera  en  telles  perplexitez,  que  nous  [pag.  303]  ne  verrons  nulle  issue:  apprenons,  di-ie,  de  luy  faire  cest  honneur  qu'il  soit  sage  pour  nous,  c'est  a  dire,  qu'il  ait  la  conduite  de  nostre  vie,  et  qu'il  nous  suffise  d'estre  gouvernez  par  luy,  et  de  cheminer