23:780  tagne,  Dieu  y  est  veu.  Ici  Abraham  monstre  une  telle  constance  comme  elle  doit  estre  en  tous  fideles  [pag.  299].  Et  ceci  nous  est  aussi  recite,  a  fin  que  nous  Pensuyvions,  c'est  assavoir,  a  tousiours  nous  fier  en  Dieu  quand  nous  n'en  pouvons  plus  et  que  tout  est  desespere  Et  puis  quand  Dieu  nous  a  donne  quelque  relasche,  et  que  les  choses  vont  bien,  et  que  nous  sommes  a  repos,  qu'aussi  alors  nous  considerions  tousiours  la  Providence  de  Dieu.  Los  uns  quand  ils  seront  en  si  grande  necessite  que  tout  leur  defaudra,  auront  quelque  mouvement  pour  accourir  a  Dieu.  Comme  nous  voyons  que  tous  ceux  qui  sont  pressez  de  quelque  mal  auront  leur  refuge  a  Dieu  :  non  pas  qu'ils  y  aillent  de  droicte  affection,  mais  si  est-ce  qu'ils  y  sont  poussez,  voire  les  plus  stupides:  ceux  qui  sont  comme  bestes  brutes,  encores  quand  il  y  aura  quelque  grande  affliction  il  est  certain  que  Dieu  les  attire  tellement  a  soy  qu'ils  sont  la  comme  s'ils  estoyent  ravis  d'une  bouffee  de  vent  et  de  tourbillon.  Voila  comme  Dieu  sera  invoque  de  beaucoup  de  gens:  comme  aussi  il  en  est  parle  au  Pseau,  cent  et  septieme,  c'est  assavoir,  quand  la  necessite  les  presse.  Cependant  si  Dieu  les  met  en  repos  et  a  leur  aise,  il  ne  leur  souvient  plus  de  rien,  ils  ne  font  que  secouer  l'oreille  (comme  on  dit)  et  les  voila  quittes  ce  leur  semble.  Et  voila  aussi  pourquoy  Dieu  se  complaind,  que  ceux  qui  se  sont  retournez  vers  luy  en  leurs  afflictions  ne  s'en  [pag.  300]  sont  pas  souvenus  et  qu'ils  ont  desbende  Tare  tantost,  et  qu'ils  sont  devenus  lasches  et  froids  et  mesmes  que  du  tout  ils  l'ont  quitte.  Les  autres  en  leur  prosperite  beniront  Dieu.  Et  les  hypocrites  ont  cela  par  trop  commun,  que  si  Dieu  les  traitte  a  leur  souhait  ils  beniront  Dieu  a  pleine  bouche,  il  n'y  a  que  pour  eux:  mais  si  Dieu  change  et  qu'il  retire  sa  benediction  d'eux,  et  qu'il  leur  envoye  quelque  torment,  alors  ils  grincent  les  dents,  et  n'est  plus  question  de  dire:  O  le  bon  Dieu,  comme  ils  l'avoyent  prononce  par  feintise:  mais  ils  le  blasphemeront  a  pleine  gorge.  Voila  donc,  comme  les  hypocrites  par  leur  depit  et  par  leurs  murmures  monstreront  bien  qu'ils  ne  savent  que  c'est  de  servir  a  Dieu.  Et  ce  sont  deux  extremites  vicieuses  que  nous  voyons  communement  entre  les  hommes.  Car  Dieu  monstre  bien  des  exemples  divers.  Comment  est-ce  qu'Abraham  parle  en  ceste  angoisse  extreme  ou  ii  est,  quand  ii  faut  qu'il  tue  son  propre  fils?  Dieu  y  pourvoira:  car  voila  un  mot  qui  le  navre  iusques  au  profond  du  coeur:  Mon  pere,  ou  est  le  sacrifice  ?  Dieu  y  pourvoira,  di  t-il.  Voila  donc  comme  Abraham  coupe  broche  a  toutes  disputes,  et  se  resout  que  Dieu  conduira  tout  ce  qu'il  fait.  Et  il  faut  aussi  que  nous  le  suyvions  en  cela,  ayans  comme  les  yeux  fermez,  voire  [pag.  301]  et  que  cependant  nous  mettions  nostre  fondement  et  appuy  sur  sa  provi-