9:78  carne  inspirandam.  1)  Uter  de  Christo  magis  honorifice  loquitur  ac  sentit,  egone,  qui  fide  omnia  impedimenta  transscendo,  ut  certo  statuam2)  coelesti  Christi  potentia  vitam  ex  eius  carne  in  animam  meam  defluere:  an  Westphalus,  cui  vivifica  non  est  Christi  caro,  nisi  quatenus  in  os  et  ventrem  ingeritur?  Perplexe  hic  non  ago:  si  Christi  carnem  dispensari  vult,  assentior:  modi  tantum  definitio  quaeritur,  quam  ego  oculis  subiicio,  ipse  perverse  ambagibus  involvit.  Hoc  si  memoria  teneant  lectores,  posthac  nullo  profectu  mentietur  Westphalus,  de  carnis  Christi  participatione  nobis  litem  esse.  Nec  vero  inscitia  labi  potuit,  tam  diligenter  a  me  admonitus  :  sed  ut  victoriam  apud  imperitos  teneret,  rem  lucidissimam  atro  carbone  notare  nulla  religio  ac  nullus  pudor  fuit.  Perinde  putidum  est  quod  subiicit  figmentum,  non  credere  nos  dari  verum  corpus,  nisi  cernamus  palpemusque  carnem  et  ossa.  Quin  potius  corpus  e  coelo  [pag.  74]  non  detrahentes,  nobis  tamen  dari  credimus,  ut  in  spiritualem  vitam  vere  animas  nostras  alat  ac  vegetet.  Iam  si  suas  illas  exceptiones  ingerat,  in  tradendo  modo  geometricis  rationibus  nos  coenae  mysterium  metiri,  facilis  et  prompta  excusatio  est,  patefactum  esse  vel  eius  testimonio,  nos  potius  ex  Christi  ore  pendere,  dum  eius  verba  nos  torquere  clamitat:  Palpate  et  videte;  spiritus  carnem  et  ossa  non  habet  (Luc.  24,  39).  Quid  de  Christi  corpore  nobis  sentiendum,  nisi  quod  ipse  pronunciat?  Nos  Euclidem  hic  non  asciscimus  nobis  patronum:  sed  acquiescimus  Filii  Dei  sententiae,  ex  quo  optime  discemus  quaenam  sit  corporis  eius  natura.  Quum  hic  nihil  torturae  ostendere  possit  Westphalus,  tortuosum  ipse  commentum  excogitat,  hoc  dixisse  Christum  ad  veritatem  resurrectionis  probandam:  alium  vero  coenae  esse  finem.  Ego  autem  excipio,  etsi  alio  consilio  coenam  suam  instituit  Dominus,  manere  tamen  illud  fixum,  quod  semel  protulit  de  corporis  sui  natura.  Ne  absurdum  videatur  quod  tradunt  invisibile  corpus  ubique  esse,  quod  scimus  fuisse  Virginis  utero  inclusum,  suspensum  in  cruce,  et  in  sepulcro  conditum,  respondent  immensitatem,  de  qua  loquuntur,  in  [pag.  75]  coeleste  corpus  et  gloriosum  competere.  Parata  nobis  obiectio  est,  gloriosum  iam  fuisse  corpus,  ut  videndum  et  palpandum  Christus  discipulis  praebebat.  Certe  id  ad  causam  apposite  citari  arbitror.  Quare  non  est  quod  philosophiae  et  theolog  giae  conflictum  ebuccinet  Westphalus.  Neque  eninT  philosophia  nobis  dictat,  vel  spirituali  virtute  praeditam  esse  humanam  carnem,  ut  animas  vivificet,  vel  hanc  vitam  e  coelo  spirare,  vel  efficaciter  sub  externo  panis  symbolo  eadem  nos  vita  potiri:  nihil  tale  vel  1)  pour  faire  decouler  etc.  2)  afin  de  me  resoudre  asseurement.