8:78  potius,  ut  Paulus  ait  (Hom.  3,  4),  homo  mendax,  ut  est,  maneat:  Deum  veracem  agnoscant,  quibus  se  patefacere  dignatur.  Et  iam  alibi  ostendimus,  cur  tam  aegre  se  bona  pars  hominum  Deo  in  obsequium  addicat.  Quo  minus  in  tanta  mundi  contumacia  fidem  nostram  ad  multitudinis  exemplum  dirigi  convenit.  At  signum  a  Christo  datur:  Quo  aquilae  convolant,  illic  esse  cadaver  (Matth.  24,  28).  Ego  vero  non  nego,  si  quando  unum  in  locum  collectae  fuerint  omnes  aquilae,  1)  quin  simul  speranda  sit  totius  orbis  conversio.  Sed  quum  non  quaslibet  illic  aquilas  designet  Christus,  sed2)  quae  vivificum  mortis  suae  odorem  sequuntur,  quis  non  videt  restringendum  ad  paucos  sermonem  esse?  Si  quis  forte  excipiat,  non  excusari  nos  exemplo  Noah,  si  ab  eo  coetu  discessionem3)  facimus,  qui  ecclesiae  nomen  obtinet,  Isaias,  quum  relicta  hominum  conspiratione  Deum  unum  sequi  iuberet,  non  extraneos  notabat,  sed  qui  tunc  populi  Dei  nomine  maxime  gloriabantur  (Ies.  8,  12).  Et  Petrus,  quum  ecclesiam  fucit  arcae  similem,  quod  pereunte  mundo  quasi  per  diluvium  exigua  hominum  manus  servetur,  non  esse  pendendum  a  multitudine,  satis  admonet  (1  Petr.  3,  20).  Quid  ergo  miseros  homines  iuvat  inter  varios  mundi  flatum  vacillandi  nutandique  occasionem  captare,  qiuini  Deus  aeterno  verbi  sui  fundamento  nos  stabiliat?  Cur  [pag  102]  fluctuari  inter  opinionum  procellas  malunt,  quam  in  tuto  certae  veritatis  portu,  quo  nos  invitat  Deus,  quiescere?  At  summa  ecclesiae  reverentia  debetur.  Fateor  sane:  ac  libenter  etiam  addo,  sic  coniunctum  cum  genuina  legis  et  evangelii  doctrina  esse  ecclesiae  sensum,  ut  fida  illius  custos  et  interpres4)  merito  vocetur.  Sed  inter  nos  et  papistas  hoc  interest,  quod  illi  non  aliter  ecclesiam  veritatis  columnam  esse  putant,  quam  si  Dei  verbo  praesideat.  Nos  autem,  quia  reverenter  se  Dei  verbo  subiicit,  veritatem  ab  ea  teneri,  et  aliis  per  manus  tradi  asserimus.  Itaque  non  plus  autoritatis  apud  eos  habet  Dei  verbum,  quam  illi  quasi  precario  ecclesia  concedit:  et  totius  scripturae  interpretationem  ad  ecclesiae  iudicium  non  secus  vertunt,  quam  Lesbiosb)  olim  ad  plumbi  sui  normam  lapidem  formare  solitos,  veteri  proverbio  fertur.  Itaque  nullus  tam  perspicuus  est  scripturae  locus,  qui  ad  Lesbiam  hanc  regulam  inflexus,  vel,  ut  magis  proprie  loquar,  detortus,  non  alienam  formam  induat.  Nec  tamen  hic  nobis  summum  vertitur  certamen.  Sed  postquam  ecclesiam  in  Christi  throno  collocarunt  papistae,  ut  religionem  constituat  suo  arbitrio,  et  de  1)  tous  les  aigles  ou  tous  les  corbeaux  du  monde.  2)  Add.  les  fideles.  3)  dissensionem.  Beza.  4)  pilier.  5)  Haec  a  gallica  versione  absunt.