7:78  que  Dieu  nous  presente  une  telle  sauvegarde  pourquoy  ne  sera-il  loisible  d'en  user?  D'avantage,  il  est  certain  que  l'intention  de  ces  povres  phantastiques  est  de  condamner  toutes  munitions,  forteres&es,  portz  d'armes,  et  toutes  choses  semblables,  qui  se  font  pour  la  defense  des  pays  :  et  empescher  les  subiectz  d'obeir  a  leurs  princes  et  superieurs,  quand  ilz  se  voudroyent  servir  d'eux  a  cela  en  la  necessite.  Or  de  reprouver  ce  que  nostre  Seigneur  n'a  iamais  reprouve,  c'est  trop  entreprins  a  l'homme  mortel.  Retenons  tousiours  cela,  que  c'est  usurper  sur  l'authorite  de  Dieu,  de  condamner  pour  [page  60]  mauvais  ce  que  nostre  Seigneur  nous  a  permis.  Or  qu'il  ait  iamais  defendu  l'usage  des  armes  aux  Princes,  pour  maintenir  leurs  pais  contre  ceux  qui  les  molesteront  a  tord,  l'escriture  ne  le  porte  point.  Il  est  bien  vray  que  ies  Prophetes  parlans  du  Regne  de  Iesus  Christ,  disent  bien  que  les  espees  et  les  lances  seront  changees  en  instrumens  de  labeur,  pour  cultiver  la  terre  (Es.  2,  4;  Mich.  4,  3).  Mais  par  telles  formes  de  parler  ilz  ne  denotent  autre  chose,  sinon  que  toute  guerre  et  inimitie  sera  abbatue  entre  les  fideles.  Et  pleust  a  Dieu  que  l'Evangile  eust  tellement  profite  au  monde,  que  cela  se  practiquast  bien  de  tous.  Mais  puis  que  la  foy  et  l'amour  de  Dieu  ne  dominent  pas  tellement  en  la  plus-part,  que  l'ambition  et  l'avarice  ne  soyent  souvent  superieures,  quand  on  invadera  iniustement  un  pais,  et  qu'on  le  molestera  par  guerres:  tant  s'en  faut  que  le  Prince  qui  est  ordonne  de  Dieu  pour  la  protection  et  defence  d'iceluy,  face  mal  de  resister  a  la  violence  iniuste,  qu'il  est  tenu  de  ce  faire  par  le  devoir  de  son  office.  1)  Bien  est  vray,  qu'un  Prince  Chrestien  doit  chercher  tous  moyens  de  paix,  estant  prest  de  la  racheter  bien  cher,  en  quictant  du  sien.  En  sorte  qu'il  ne  vienne  point  a  l'espee,  iusques  apres  avoir  essaye  tous  remedes,  pour  [page  61]  eviter  ceste  necessite.  Mais  quand  il  a  faict  tout  ce  qui  estoit  en  luy,  et  a  recule  tant  qu'il  a  peu,  s'il  ne  peut  autrement  maintenir  le  pais  qui  luy  est  commis,  le  dernier  refuge  est  d'user  du  glaive  que  Dieu  luy  a  donne  en  main.  Car  il  y  a  une  mesme  raison,  de  desgainer  le  glaive  pour  punir  les  malfaicteurs  qui  troublent  l'ordre  public,  et  de  repoulser  ceux  qui  iniustement  viennent  assaillir  un  pais.  En  ce  cas  aussi  l'homme  Chrestien,  si  selon  l'ordre  du  pais  il  est  appelle  pour  servir  a  son  Prince,  non  seulement  n'offense  pas  Dieu  en  prenant  les  armes,  mais  aussi  est  en  une  vocation  saincte,  laquelle  ne  se  peut  reprouver  sans  blasphemer  Dieu.  Et  de  faict,  nous  voyons  quand  les  gendarmes  sont  venuz  a  Iehan  Baptiste,  pour  estre  1)  Le  traducteur  ajoute:  neque  aliter  facere  debeat.