58:78  lui  face  beaucoup  d'iniures:  ce  lui  est  tout  un,  moiennant  que  ce  thresor  inestimable  lui  soit  reserve:  c'est  que  de  sa  race  viendra  le  salut  du  monde,  et  cependant  qu'il  est  du  nombre  de  la  compagnie  des  enfans  de  Dieu.  Touchant  la  response  d'Esau,  desia  nous  voions  ce  que  dit  l'Apostre,  et  ce  que  nous  avons  aussi  allegue,  qu'il  estoit  homme  profane  du  tout.  Ie  m'en  vay  mourir,  dequoy  me  servira  ma  primogeniture,  dit-il?  En  disant  qu'il  s'en  va  mourir,  et  que  sa  primogeniture  ne  lui  servira  de  rien  :  nous  voions  qu'il  est  tout  hebete  et  estourdi,  et  que  ce  lui  est  tout  un,  moiennant  qu'il  passe  ceste  vie  presente.  Et  voila  aussi  qu'emporte  ce  mot  de  profane:  car  il  est  oppose  au  mot  de  saint.  Qu'est  ce  a  dire  saint?  C'est  que  nous  soions  comme  separez  pour  servir  a  Dieu:  car  tout  ce  monde  ci  est  plein  de  polution  et  d'iniquite,  comme  dit  saint  Paul.  Et  quand  nous  converserons  ici  bas  a  la  facon  commune,  c'est  pour  nous  souiller  en  toutes  ordures.  Or  pour  estre  tenus  enfans  de  Dieu,  il  faut  que  nous  soions  separez,  ainsi  que  S.  Paul  en  parle  au  premier  chapitre  de  la  premiere  aux  Corinthiens.  Il  faut  que  Dieu  nous  recueille  a  soy:  car  si  nous  cheminons  entre  les  espines,  c'est  pour  nous  esgratiner  a  chacune  minute  :  si  nous  marchons  par  la  boue  et  par  la  fange,  ce  sera  pour  nous  souiller.  Il  faut  donc  que  nous  soions  separez.  Or  (comme  i'ay  dit)  le  mot  profane,  s'oppose  et  est  contraire  a  cela.  Que  faut-il  doncques?  C'est  qu'un  homme  se  regarde  bien,  mesme  en  son  corps:  car  tout  ainsi  qu'il  y  a  deux  parties  en  nous,  c'est  assavoir  le  corps  et  l'ame:  aussi  la  vie  spirituelle,  quand  nous  cognoissons  a  quoy  Dieu  nous  a  appelez,  et  a  quoy  il  nous  convie  iournellement:  c'est  que  nous  soions  heritiers  du  Royaume  des  cieux:  voila  qui  est  pour  nous  sanctifier:  comme  il  est  dit,  Purifiez  vous,  voire  vous  tous  qui  portez  les  vaisseaux  du  Seigneur.  Et  saint  Paul  allegant  ce  passage,  dit,  Ayans  donc  telles  promesses,  c'est  que  Dieu  nous  tient  comme  pour  ses  serviteurs  et  enfans,  avisons  de  nous  nettoyer  de  toutes  pollutions,  tant  du  corps  que  de  l'ame.  Or  voila  Esau  qui  n'a  soin  que  de  son  ventre,  et  le  monstre  bien  quand  il  dit,  Ie  m'en  vay  mourir,  et  dequoy  me  servira  ma  primogeniture  ?  Voire,  mais  elle  estoit  pour  la  vie  eternelle,  elle  estoit  pour  l'heritage  celeste  :  il  ne  regarde  point  a  tout  cela.  Ainsi  donc  nous  voions  qu'il  a  vescu  comme  un  chien,  ou  comme  un  porceau  qui  a  eu  le  museau,  ou  le  groin  en  l'auge,  et  qu'il  ne  cerche  sinon  pasture.  Voila  donc  le  naturel  d'Esau  qui  nous  est  ici  remonstre  en  ces  mots.  Et  ainsi,  l'exhortation  de  l'Apostre  doit  bien  estre  pratiquee,  quand  il  dit,  Que  nous  ne  soions  pas  profanes,