54:78  me  possedes  aussi  bien.  Mais  cest  usage  est  par  trop  commun:  et  pleust  a  Dieu  que  nous  n'en  eussions  pas  les  exemples.  Mais  auiourd'huy  quand  on  parle  de  l'Evangile,  il  ne  faudra  sinon  avoir  ceste  couleur  pour  dire,  Ho,  voila  un  tel  qui  estoit  comme  un  des  piliers  de  la  chrestiente,  qui  s'est  destourne.  Pour  ie  moins  on  est  affoibli.  En  alleguant  cela,  il  semble  qu'on  doyve  prendre  quelque  honneste  couverture  pour  quitter  Dieu,  et  pour  faire  divorce  avec  luy:  on  verra  cela  en  beaucoup  de  gens.  Or  cependant  le  diable  auiourd'huy  a  la  vogue,  que  plusieurs  se  destournent  de  l'Evangile,  et  ne  s'en  faut  point  esbahir,  comme  il  a  este  dit  ce  matin.  Car  ou  est  la  racine  vive  de  foy  et  do  charite  pour  nous  maintenir  en  la  pure  doctrine?  Quoy  qu'il  en  soit,  iournellement  on  en  voit  des  rebelles,  que  ceux  qui  ont  este  en  grand  credit,  et  desquels  on  esperoit  merveilles,  s'en  vont  quitter  l'Evangile,  mesmes  deviendront  ennemis  manifestes,  ou  pour  le  moins  ils  seront  gens  prophanes,  et  ou  il  n'y  a  ne  sel  ne  saveur.  Qu'est-il  donc  question  de  faire,  sinon  que  nous  soyons  armez  de  ce  que  sainct  Paul  nous  monstre,  c'est  ascavoir,  quand  nous  verrions  tout  le  monde  tourner,  que  nous  persistions  en  ce  qui  est  perpetuel  et  immuable?  Car  Dieu  ne  pourra  estre  esbranle  selon  que  les  hommes  changeront  de  propos,  mais  demeurera  tousiours  en  son  entier.  Or  est  il  ainsi  qu'il  luy  a  pleu  de  nous  edifier  en  sa  saincte  parole,  laquelle  est  du  tout  immuable.  Persistons  donc  en  la  foy,  quand  nous  verrions  tout  le  monde  change.  Cela  se  peut  assez  entendre  en  peu  de  mots,  mais  la  prattique  n'en  est  pas  aisee:  et  d'autant  plus  nous  faut-il  recorder  ceste  lecon.  Si  donc  auiourd'huy  nous  en  voyons  qui  flechissent,  les  autres  qui  placquent  la  l'Evangile,  cognoissons  qu'encores  n'avons-nous  point  telle  occasion  d'estre  confus  et  esperdus  comme  avoit  sainct  Paul,  et  tous  ceux  de  son  temps,  quand  ils  ont  veu  le  pays  d'Asie  se  revolter.  Voila  pour  un  item.  Au  reste,  si  les  ennemis  de  l'Evangile  nous  alleguent  cela,  comme  pour  nous  faire  honte,  que  nous  soyons  confermez  en  cest  endroit.  Il  est  vray  que  Satan  machinera  de  mettre  l'Evangile  en  opprobre,  et  de  renverser  aussi  la  foy  de  ceux  qui  iamais  n'ont  prins  bonne  racine.  Mais  quoy  qu'il  en  soit,  si  ne  faut-il  point  que  Iesus  Christ  perde  son  droict  pour  la  dignite  des  hommes.  Demeurons  donc  fermes  quand  on  nous  viendra  alleguer,  Ho,  voila  un  tel  qui  a  monstre  grande  constance  et  grand  zele,  il  sembloit  que  ce  fust  merveilles,  et  nous  voyons  auiourd'huy  que  c'est.  Et  bien,  il  est  homme:  mais  cependant  la  verite  demeure  a  iamais,