52:78  prosequamur.  Sed  quibus  de  rebus  gratias  agit  Domino?  De  fide  et  caritate  Colossensium.  Ergo  utrumque  dari  a  Deo  fatetur:  alioqui  ficta  esset  gratiarum  actio.  Et  quid  habemus,  nisi  ex  eius  liberalitate?  Quod  si  inde  minima  quaeque  nobis  proveniunt,  quanto  magis  fatendum  est  hoc  idem  ee  istis  duabus  donis  in  quibus  tota  praestantiae  nostrae  summa  posita  est?  Deo  et  patri.  Ita  resolve,  Deo  qui  pater  est  Christi.  Neque  enim  alium  Deum  fas  nobis  est  cognoscere  quam  qui  se  nobis  in  Filio  suo  exhibuit.  Atque  haec  clavis  est  quae  nobis  ianuam  sola  reserat,  si  volumus  ad  verum  Deum  accedere.  Nam  et  ideo  nobis  pater  est,  quia  in  filio  unigenito  nos  complexus  est,  et  in  eodem  paternum  suum  favorem  nobis  speculandum  proponit.  Semper  pro  vcbis.  Alii  sic  exponunt:  Gratias  agimus  Deo  semper  pro  vobis:  hoc  est,  assidue.  Alii  autem  :  Orantes  pro  vobis  semper.  Potest  etiam  sic  exponi  :  Quoties  pro  vobis  oramus,  simul  gratias  agimus  Deo.  Atque  hic  est  simplicior  sensus:  Gratias  agimus  Deo,  et  simul  oramus.  Quo  significat,  nunquam  tam  perfectum  esse  fidelium  statum  in  hoc  mundo,  ut  non  semper  aliquid  desit.  Nam  et  qui  optime  coepit,  potest  quotidie  centies  deficere:  et  continuos  progressus  facere  necesse  est,  ubi  adhuc  sumus  in  itinere.  Sic  ergo  de  gratiis  iam  acceptis  meminerimus  gaudendum  esse,  et  agendas  Deo  gratias,  ut  perseverantiam  et  incrementa  simul  ab  eo  petamus.  4.  Audita  fide  vestra.  Hoc  et  amoris  erga  illos  at  curae  pro  ipsorum  salute  incitamentum  erat,  quum  audiret,  fide  et  caritate  eos  excellere.  Et  certe  hanc  vim  erga  nos  habere  debet  tam  praestantia  Dei  dona,  ut,  ubicunque  apparent,  nos  rapiant  in  amorem  sui.  Fidem  in  Christo  dicit,  ut  semper  meminerimus,  proprium  fidei  scopum  esse  Christum.  Caritatem  ponit  erga  sanctos  non  ut  al  o*  excludat,  sed  quia  ut  quisque  nobis  in  Deo  coniunctus  est,  ita  peculiari  amore  illum  debemus  arctius  complecti.  Vera  igitur  caritas  ad  universos  homines  se  extendet,  quia  et  omnes  caro  nostra  sunt  et  ad  imaginem  Dei  creati:  sed  quanqum  a  gradus,  initium  a  domesticis  fidei  faciet.  5.  Propter  spem  repositam  vobis  in  coelis.  Neque